Ала-Букада жолдон өтүп бараткан 3 жаштагы баланы унаа сүзүп, ал ооруканага жетпей каза болду

Ала-Бука районунда жеңил унаа 3 жашар баланы сүзүп, ал ооруканага жетпей каза болду. Бул тууралуу SUPER.KG порталына Жалал-Абад облусунун Жол кыймылынын коопсуздугун камсыздоо бөлүмүнөн билдирди.

Маалыматка ылайык, жол кырсыгы 6-май күнү саат 11:40тар чамасында болгон. Каза болгон наристе Ала-Бука районунун Сапалак-Сай айылынын тургуну болгон.

"Жол кырсыгы Ала-Бука-Жаңы-Базар унаа жолунун 1,5 чакырымында болгон. Анда Ош шаарынын тургуну 20 жаштагы айдоочу А.Б. өзүнүн Opel Zafira унаасын башкарып келе жатып жолдон өтүп бара жаткан 3 жашар баланы сүзүп кеткен. Кырсыктын кесепетинен наристе Ала-Бука аймактык ооруканасына жетпей каза болгон", - деп билдирди басма сөз кызматы.

Учурда жол кырсыгы боюнча тийиштүү иштер жүргүзүлүүдө.

Автор: Айсалкын Качкынбекова