Камчыбек Ташиев: "Бизди актаган соттор саясий куугунтуктун айынан учурда Ошто жүрөт"

"Бизди актаган чечим чыгарган соттор бийликтин куугунтугуна кабылышып, учурда Ош шаарында жүргөнүн уктум",- деди Камчыбек Ташиев 23-июнда Ош шаарында эл менен жолугушуу учурунда. Депутат ал соттор менен эч кандай байланышы жоктугун кошумчалады. "Биз чындык аркылуу эркиндикке чыктык. Кыргызстанда биринчи жолу бийликке баш ийбеген, алардын буюртмаларын аткарбаган соттор бизди сот залынан бошотушту. Бирок өздөрү бийликтин куугунтугуна кабылышты.Угушума караганда, алар Бишкектен качып Ошко келишкен",- дейт Ташиев.

Автор: Аксана Паизова