Кытай КРнын Коргоо министрлигине бекер аскердик техникаларды тапшырат

24-июнда Кыргызстанга Кытайдын коргоо министри Чан Ваньцюань башында турган аскердик делегация келет.

Ал иш сапарынын алкагында КРнын коргоо министри Таалайбек Өмүралиев менен жолугушат.

Мындан тышкары 25-июнда Кой-Таш аскердик бөлүгүндө Кытай өлкөсү тарабынан КРнын Коргоо министрлигине акысыз түрдө аскердик-техникалык мүлктү өткөрүп берүү аземи болот.

Белгилей кетүүчү нерсе, аскердик 52 унаа менен кошо музыкалык аспаптар 2013-жылдын январь айында, эки тараптын коргоо мекемелери тарабынан кол коюлган келишимдин негизинде берилүүдө.

Автор: Рахат Кубанычбек кызы