Айбек Калиевдин ордуна "Улуттук энергохолдингге" жаңы башчы келди

"Улуттук энергохолдинг" компаниясынын башчысы болуп Азамат Абдыкадыров дайындалды. Бул тууралуу маалыматты Мамлекеттик мүлктү башкаруу фондунан таратышты.

Маалыматка караганда, Абдыкадыров бүгүн, 26-майда мекеменин жамааты менен тааныштырылган. Буга чейин ал "Электр станциялары" ишканасында бөлүм башчы болуп иштеп келген.

Эске салсак, 10-апрелде "Улуттук энергохолдингдин" төрагасы кызматынан Айбек Калиев бошотулган. Ал Бишкек жылуулук электр борборун (ЖЭБ) жаңылоо долбоорун ишке ашыруудагы коррупция фактысы боюнча кылмыш ишинин алкагында кармалып, УКМКнын тергөө абагына киргизилген.