Бүгүн, 22-июнда футбол боюнча Дүйнө чемпиондугунун 2-туру уланат. Анда "Волгоград Арена" стадионунда "D" тайпасынын алкагындагы Нигерия-Исландия беттеши орун алат. Аталган беттеш бир нече мүнөттөн кийин старт алмакчы. Беттештин башкы калысы Мэттью Конгер (Жаңы Зеландия) болот.
20:45. Нигерия курама командасынын тизмеси:
- Дарбазачы: Фрэнсис Узохо ("Депортиво", Испания).
- Коргоочулар: Уильям Троост-Эконг ("Бурсаспор", Түркия), Брайн Идову ("Амкар", Орусия), Леон Балогун ("Майнц", Германия), Кеннет Омеруо ("Касымпаша", Түркия).
- Жарым коргоочулар: Жон Оби Микел ("Тяньцзинь Тэда", Кытай), Уилфрид Ндиди ("Лестер", Англия), Огхенекаро Этебо ("Лас-Пальмас", Испания).
- Чабуулчулар: Ахмед Муса, Келечи Ихеаначо ("Лестер", Англия), Виктор Мозес ("Челси", Англия).
- Башкы машыктыруучу: Гернот Рохр (Германия).
20:47. Исландия курама командасынын тизмеси:
- Дарбазачылар: Ханнес Тор Хальдорссон ("Раннерс", Дания).
- Коргоочулар: Хердур Магнуссон ("Бристоль Сити", Англия), Кари Арнасон ("Абердин", Шотландия), Рагнар Сигурдссон ( "Ростов", Орусия) Биркир Севарссон ("Валюр");
- Жарым коргоочулар: Арнор Траустасон ("Мальме", Швеция), Гилфи Сигурдссон ("Эвертон", Англия), Биркир Бьярнасон ("Астон Вилла", Англия), Рюрик Гисласон ("Зандхаузен", Германия);
- Чабуулчулар: Альфред Финнбогасон ("Аугсбург", Германия), Йон Бедварссон ("Рединг", Англия),.
- Башкы машыктыруучу: Хеймир Хадльгримссон (Исландия).
20:50. Учурда командалар оюн талаасына чыгууга даярдык көрүүдө. Бул беттешке чыккан 2 курама командада тең жаракат алган оюнчулар жок.
20:53. Командалар оюн талаасына чыгышты. Алгач Нигериянын, андан соң Исландиянын гимни жаңырды.
20:56. Командалардын мамлекеттик гимни жаңырды. Командалар учурашып, беттешти баштоого даяр.
20:58. Топту оюнга алгач Нигерия курама командасы кошот.
21:00. Калыстын ышкырыгы жаңырып беттеш старт алды.
21:01. Алгачкы мүнөттөрдөн Исландия курамасы топту тартып алып чабуул жасоодо.
21:02. Нигериялык футболчу эреже бузуп, исландиялыктар айып сокку аткарат.
21:03. Гилфи Сигурдссон айып соккуну мыкты аткарды. Анын соккусу таамай болуп, бирок дарбазачы тосуп алууга жетишти.
21:04. Магнуссон атаандашынын айып аянтчасына кирип келүү аракетин көргөн. Бирок калыс аны коргоочуга каршы эреже бузду деп оюнду токтотту.
21:05. Гилфи Сигурдссон айып аянтчанын сыртынан сокку узатты. Анын соккусу кубаттуу болбой, дарбазачы кыйынчылыксыз топту тосуп алды.
21:06. Мозес Исландиянын айып аянтчасына чыгарып берүү жасаган, бирок топто алгач коргоочулар болуп топту талаадан сырткары чыгарды.
21:07. Келети Ихеаначо топту бурчтан чыгарып таамай боло албай калды. Топко исландиялыктар ээлик кылууда.
21:08. Исландиянын чабуулдары азырынча ийгиликсиз болууда.
21:09. 45 миң көрүүчүнү батырган Волгоград Арена стадионунда күйөрмандар толкун жасоодо, абдан кооз көрүнүш.
21:10. Рюрик Гисласон эреже бузуп, калыстын ышкырыгы жаңырууда.
21:14. Микел исландиялык оюнчуга карата оюн эрежесин бузууда.
21:15. Нигериялыктардын чабуулу каршылашын тынчсыздандырууда. Айып аянтчага көтөрүлгөн топко Ахмед Муса жетишпей калды.
21:16. Микел кайрадан эреже бузууда. Топ исландиялыктарда.
21:17. Нигериялык футболчулар топту орто бөлүктө кармап, чабуул жасоого аракеттенип жатышат. Исландиялыктар айып аянтчасында топтолуп атаандашына мүмкүнчүлүк бербей жатат.
21:18. Уилфред Ндиди айып аянтчага чыгарып берүү аракетин көргөн, бирок топко алгачкылардан болуп коргоочулар жетти.
21:19. 20 мүнөттүк беттештин жүрүшүндө Нигерия курамасы топко 59 пайыз ээлик кылып жатса, атаандашы 41 пайызга ээ.
21:20. Биркир Бьярнасон алыскы аралыктан сокку узатты, бирок таамай болгон жок.
21:21. Исландия курамасы катары менен 2 жолу топту бурчтан чыгаруу аткарып ийгиликтүү жыйынтык чыгара алган жок.
21:22. Омеруо исландиялык оюнчуга карата эреже бузууда.
21:23. Айып соккуну Гилфи Сигурдссон аткарып, бирок чыгарып берүүсү менен өнөктөшүн тапкан жок.
21:24. Ахмед Муса дарбазачы менен бетме-бет келгенге мүмкүнчүлүгү бар болчу, бирок аны коргоочулар токтотконго жетишти.
21:26. Командалар топту орто бөлүктө талашууда. Эки команданын чабуулдары азырынча жыйынтыксыз болуп жатат.
21:27. Трост-Экон айып аянтчага топту чыгарган, бирок анын өнөктөштөрү топко жетишкен жок.
21:29. Рагнар Сигурдссон оюн эрежесин бузуп, нигериялыктар айып сокку аткарганга мүмкүнчүлүк алды.
21:30. Жарым сааттык беттештин жүрүшүндө Нигерия курамасы топко 65 пайыз ээлик кылса, 35 пайызга Исландия курамасы ээ.
21:31. Огенекаро Этебо алыстан айып аянтчага чыгарып берүү жасаган, бирок анын чыгаруусуна өнөктөштөрү жетишкен жок.
21:32. Муса оюн эрежесин бузууда. Топ исландиялыктардын карамагында.
21:33. Нигериялык коргоочулар айып аянтчанын ичинде Биркир Севарссонго каршы орой оюн көрсөтүүдө, бирок калыс бул жактан эреже бузууну байкаган жок.
21:34. Биркир Бьярнасон жакшы мүмкүнчүлүктү колдоно алган жок. Анын соккусу дарбазадан бир топ жогору өттү.
21:35. Магнуссон оюн эрежесин бузууда. Нигериялыктар кооптуу айып сокку аткарышат.
21:37. Келети Ихеаначо айып соккуну аткарды. Анын айып аянтчага көргөн тобуна өнөктөштөрү жеткен жок.
21:38. Ндиди айып аянтчага чыгарып берүү аткарды, бирок топто алгач дарбазачы болду.
21:39. Ахмед Муса чабуулду улантып, бирок офсайд абалында болуп калды.
21:41. Ахмед Муса Ханнес Тор Хальдорссон менен топ үчүн күрөштө оюн эрежесин бузду.
21:42. Нигериялыктар топту бурчтан чыгаруу мүмкүнчүлүгүнө алып, бирок ийгиликтүү жыйынтыктай алган жок.
21:43. Идову абдан орой оюн көрсөтүп сары айып кагазы менен белгиленди. Сигурдссон айып сокку аткарат.
21:44. Сигурдссондун көтөрүлүп берген тобуна Финнбогасон жетишпей калды, эсеп санын ачууга жакшы мүмкүнчүлүк болчу.
21:45. 1-таймдын негизги убактысы жыйынтыкталып, калыс 2 мүнөт кошуп берди.
21:46. Бедварссон бурчтан көтөрүлгөн топту башкы менен дарбазага багыттап таамай боло алган жок.
21:37. Беттештин 1-бөлүгү соңуна чыкты. 1-тайм 0:0 эсеби менен бүттү.
22:03. 2-тайм старт алды. Тыныгуудан кийин Нигерия курамасында алмаштыруу орун алды. Брин Идовунун ордуна Тайронн Эбюэхи чыкты.
22:04. Алгачкы мүнөттөрдөн Нигерия курамасы чабуул жасап, Этебо алыстан сокку узатты. Сокку таамай болуп, бирок аны Хальдорссон тосуп алды.
22:05. Чабуулда исландиялыктардын оң канаттан баштаган чабуулу жыйынтыксыз болду.
22:06. Г-о-о-о-л! Муса эсеп санын ачты. Мозес оң канаттан айып аянтчага чыгарып берүү жасаган, аны Ахмед Муса кабыл алып, таамай сокку менен эсеп санын ачты.
22:07. Рагнор Сигурдссон оюн талаасында жатат. Ал дарыгерлердин жарыма муктаж болууда.
22:10. Оюн бир топко токтоп калды. Сигурдссон оюнду улантууга даяр.
22:14. Ндиди алыскы аралыктан кооз сокку узатты. Анын соккусу таамай болгону менен дарбазачы топту тосуп алууга үлгүрдү.
22:15. Биркир Севарссон айып аянтчага топту жеткирип берүү аракетин көргөн, бирок топко алгач коргоочулар жетти.
22:17. Гисласон атаандашынын айып аянтчасында эреже бузууда. Калыс аны байкап, ышкырыгын жаңыртты.
22:18. Нигерия курамасы топко ээлик кылып чабуул жасоодо. Азырынча ийгиликсиз
22:19. Ндиди оюн эрежесин бузду. Исландиялыктар айып сокку аткарат.
22:21. Айып соккуну кайрадан Рагнар Сигурдссон аткарды. Анын чагарып берүүсүн дарбазачы кыйынчылыксыз тартып алды.
22:22. Исландия курамасында алмаштыруу. Рагнар Сигурдссондун ордуна Сверрир Ингасон чыкты.
22:23. Мозес айып аянтчанын чийининен сокку узатты, бирок тааамай болгон жок.
22:24. 65 мүнөттүк беттештин жүрүшүндө Нигерия курама командасы 227 пас кылса, Исландия курамасы 130 пас гана аткарды.
22:25. Рюрик Гисласо 25 метр аралыктан мыкты сокку жасады, Анын дарбазага багытталган тобу дарбазадан бир аз жогору өтүп кетти.
22:26. Мозес кайрадан алыстан сокку узатты. Анын соккусу коргоочуга тийип оюн талаасынан чыгып кетти.
22:27. Этебо дарбазага башы менен сокку узаткан, бирок таамай боло алган жок.
22:28. Исландия курамасында дагы бир алмаштыруу орун алды. Бёдварссондун ордуна Бьёрн Сигурдарсон чыкты
22:29. Нигерия курамасы уламдан улам коопту болууда. Бурчтан көтөрүлгөн топту Балогун башы менен дарбазага багыттады. Топ дарбазадан бир аз гана жогору өттү.
22:31. Ахмед Муса эсети 2:0 кылганга мүмкүнчүлүгү бар болчу. Анын айып аянтчасын ичинен узаткан сокку дарбазанын таякчасына тийип калды.
22:32. Г-о-о-о-о-л! Ахмед Муса эсепти 2:0 кылды. Ал 2 коргоочуну жана дарбазачыны алдап өтүп айырмаланды.
22:34. Биркир Бьярнасон оюн эрежесин бузду.
22:38. Калыс видео-кайталоо системин колдонуп Исландияга пенальти аткарууга мүмкүнчүлүк берди.
22:39. Видео кайталоодон байкалгандай Тайронн Эбюэхи оюн эрежесин бузган.
22:40. Пенальтини Сигурдссон аткарып таамай боло албай калды. Эсеп 2:0 бойдон калды
22:41. Ихеаначо айып аянтчанын ичинен сокку узатып таамай боло албай калды. Жакшы мүмкүнчүлүк болчу.
22:42. Нигерия курамасында кезектеги алмаштыруу. Келети Ихеаначонун ордуна Одион Игало чыкты.
22:43. Игало контр-чабуулда дарбазачы менен бетме-бет келип сокку жасоого жетишпей калды.
22:44. Исландиялыктарда алмаштыруу Арон Гуннарссондун ордуна Ари Скуласон чыкты.
22:45. Фрэнсис Узохо мыкты сейф жасатты. Альфред Финнбогасондун кубаттуу соккусун Узохо тосуп алууга жетишти.
22:46. Этебо эреже бузду. Исландиялыктар айып сокку аткарат.
22:47. Оюнчу алмаштырылат. Этебонун ордуна Алекс Ивоби чыгат.
22:48. Беттештин негизги убактысы соңуна жетип калыс 6 мүнөт кошуп берди.
22:49. Азырынча командалар топту орто бөлүктө талашууда.
22:50. Учурда исландиялыктардын чабуулу аягына чейин чыкпай жаткан кези. Алардын дагы 3 мүнөт убактысы бар.
22:51. Жон Оби Микел жаракат алгандай көрүнөт. Ага дарыгердер жардам берүүдө.
22:52. Микел оюн талаасынан сырткары медициналык жардам алууда. Беттеш уланды.
22:53. Сигурдссон алыстан сокку узатып таамай боло албай калды.
22:54. Калыстын ышкырыгы жаңырып беттеш аяктады.
22:55. Муну менен Нигерия курама командасы 3 упайга ээ болуп "D" тайпасында 2-орунга көтөрүлдү. Ал эми Исландия курамасы 1 упай менен 3 орунда жайгашты. Андан сырткары Нигерия курамасы бул жеңиш менен Аргентинага плей-офф баскычына чыкканга мүмкүнчүлүк берди. Аргентина курамасы 1 упай менен 4-орунда жайгашкан.
