ЭЛДИК КАБАР: "Бирдик салдырып алдап кеткен адамдар өлтүрөбүз деп коркутуп жатышат" дейт окурман

"Бирдик салдырып алдап кеткен адамдар өлтүрөбүз деп коркутуп жатышат" деген билдирүүсүн окурман "Соңку кабар" бөлүмүнүн "ЭЛДИК КАБАР" рубрикасына жөнөткөн.

Кабарга ылайык, окурмандын номерине 0704 40 51 51 номеринен акчалай сыйлык жана телевизор утуп алгандыгы тууралуу билдирүү келип түшкөн. Ал аталган номерге чалып байланышканда белектерди алып кетүү үчүн салык төлөөсү керек экендигин билдирген.

"Мен дароо эле алдамчылар экен деп ойлодум. Бирок кайра ойлонуп жолдошума айтсам, ал, балким, чын эле утуп алганбыз деп алдамчылардын берген номерине алар айткан сумманы салып коюптур. Анткени буга чейин мобилдик компаниялардын биринен чындап эле белек утуп алганбыз", - деп билдирди окурман.

Окурмандын айтымында, алардын эсебине акча түшкөнгө чейин бир нече жолу телефон чалышкан, ал эми акча которулган соң чалууну токтотушкан.

"Кайра-кайра чалып жатышты, акча которулгандан кийин такыр чалышкан жок. Мен байланышка чыгып, алар карапайым элди алдап жатканын жана мен алардын үстүнөн укук коргоо органдарына арыз жазарымды билдирдим. Бул сөздөрүмө алар "эгерде кайра-кайра чала берсең, үйүңө барып өлтүрүп кетебиз" деп жооп кайтарышты. Канча деген адамдар ушундай алдамчылардын кылтагына илинип, акчасынан айрылып калып жатат. Буларга кайсы кызмат чара көрөт?" - дейт окурман.

Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.

Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.

19:37 25-06-2018

Автор: Айзада Тураркулова

Жазылуу

РУБРИКАДАГЫ СОҢКУ КАБАРЛАР

11:34 2024-05-12 | Спорт

Эрназар Акматалиевдин Олимпиададагы дагы эки атаандашы аныкталды 107 0

10:49 2024-05-12 | Коом жана турмуш

Руслан Акундун “Бейиш эненин таманында” тасмасы Москвадагы фестивалда баш байгени алды 338 0

10:28 2024-05-12 | Коом жана турмуш

Санкт-Петербургда дарыяга кулаган автобус: ТИМ билдирүү жасады 980 0

09:42 2024-05-12 | Түркүн дүйнө

Казак дипломатынын аялы күйөөсүнүн кыйноолорунун чоо-жайын айтып берди 1005 0

09:20 2024-05-12 | Спорт

Дагы бир кыргыз балбаны Париж Олимпиадасына жолдомо утту 690 0

19:48 2024-05-11 | Саясат

Садыр Жапаров Малайзиянын премьер-министрине көңүл айтты 2290 0

Архив

Комментарийлер (4)

Nurzada_0111

2018-06-25 19:42:44

Утуп алдыныз десе эле бирдик сала бербегиле да. Эгер чындап уткан болсонуз биринчи офиске чакырат паспортунуз менен келиниз деп.

Topchubai

2018-06-25 19:52:44

Кандай гана окунучтуу.Убагында мени дагы алдашканда(анда мен бирдик салып иштечумун)макул деп 1 сом салып,кайра алып койгонумда,биринчи жолу сендей аферистке туш болдум деп ачууланган эле.

+13

talaa11

2018-06-25 20:58:09

Жоопко тартыш керек мындай ууруларды булар дагы канча адамды алдады экен акмактар

raykray

2018-06-27 15:46:17

Магада звонок кылышып тим эле суйлоп суйунчулоп башташкан силер турмодо жатып алдап жаткан доксунарбы десем согунуп очуруп салышкан

Комментарий калтыруу үчүн өз ысымыңыз менен кириңиз же каттоодон өтүңүз.