Таиландда жоголгон 12 футболчу жана машыктыруучу үңкүрдөн табылды. Аларды куткаруу үчүн 2-3 ай күтүү керек

Таиландда 9 күнүн үңкүрдө өткөргөн 12 футболчу жана алардын машыктыруучусу табылды. Бул тууралуу чет элдик басылмалар жазышууда.

Маалыматка караганда, табылган балдар машыктыруучусу менен 23-июнь күнү Таиланддын Хуахани шаарына жакын жердеги тоого барып үңкүргө киришкен. Ошол учурда жамгыр жаап, үңкүрдүн ичи сууга толуп алар чыга албай камалып калышкан. Жоголгон балдарды издөө иши 24-июнда башталып, бирок эч натыйжа чыккан эмес. Соңку күндөрү издөө жана куткаруу тобуна АКШ, Австралия, Улуу Британия жана Кытайдан келген куткаруучулар дагы кошулган.

Дайынсыз жоголгон балдарды жана машыктыруучуну британиялык суу алдында сүзүүчү Жон Волантен тапкан. Бирок табылган адамдар азыркы учурда үңкүрдөн чыгарыла элек. Анткени тынымсыз жааган жаандан улам үңкүрдөгү сууну сордуруу иштеринен майнап чыккан эмес. Жергиликтүүлөрдүн айтымында, аталган аймакта жаан-чачындар мезгили сентябрь-октябрь айларына чейин уланат.

Куткаруучулар билдиргендей, азыркы тапта балдарды үңкүрдөн алып чыгуу маселеси каралууда. Бул үчүн балдарга суу алдында жүрүүгө ылайыкталган атайын кийимдерди жеткирүү керек. Бирок үңкүр татаал аймакта жайгашкандыктан алар суу алдынан чыга албай калышы мүмкүн. Ал эми айрым адистер тобокелчиликке барбастан жаан-чачындар мезгили бүткөнгө чейин күтүү керектигин, ага чейин тажрыйбалуу суу алдында сүзүүчүлөр аларга тамак-аш жана керектүү каражаттарды жеткирип турарын билдиришкен.

Таиландда 10 күн мурун жоголгон 12 бала үңкүрдөн табылды

Автор: Сталбек Абдижалил уулу

17:54 03-07-2018

Жазылуу

РУБРИКАДАГЫ СОҢКУ КАБАРЛАР

18:53 2025-05-02 | Түркүн дүйнө

АКШ армиясы Трамптын туулган күнүнө карата аскердик парадга даярдана баштады 946 0

18:08 2025-05-02 | Коом жана турмуш

Жеңиштин 80 жылдыгына карата өтүүчү парадга даярдыктар жүрүүдө (сүрөт) 832 0

17:46 2025-05-02 | Коом жана турмуш

"Бул өлкөдө Кыргызстандын балы өтө жогору бааланат" дейт Жапонияда эмгектенип жүргөн Гүлдаана 3549 0

17:30 2025-05-02 | Коом жана турмуш

Садыр Жапаров Ысык-Көлдөгү жейренди көбөйтүү долбоору менен таанышты (сүрөт) 1029 0

17:14 2025-05-02 | Коом жана турмуш

“Саякаттайлы, Кыргызстан жөнүндө айталы”. Араб өлкөлөрүндө жашап келген Арстанбек менен маек 1744 0

16:58 2025-05-02 | Коом жана турмуш

Бишкекте чет элдик жарандар уюштурган онлайн казино аныкталды 642 0

Архив

Комментарийлер (10)

Tansuluu09

2018-07-03 18:20:48

Ии, жакшы болуптур табылганы. Эми аман-эсен куткарып алышсын.

+17

Kymbatym

2018-07-03 18:51:11

Өткөндө табылбай жатат дегенди жаңылыктардан укканда бирөөлөр каза болду окшойт деген мен жок тирүү дегем тирүү жандарды каза болгон дешке ооз барбайтда жакшы аман эсен табылыптыр

+12

TalaCSKA

2018-07-03 19:07:21

Баардыгы аман эсен куткарылса экен.

+12

Chungyz

2018-07-03 22:50:06

Рекорд болот окшойт

Jin1209

2018-07-03 22:57:21

Ииий аман эсен чыгып алышса экен сентябрга чейин эле

kg_salim

2018-07-03 23:04:26

Мен тушунбой калдым. Булар ошол балдарга чейин бара алышса, кайра аларды кандай чыгара алышпайт экен деймда.

Kymbatym

2018-07-03 23:43:42

kg_salim,суу үңкүрдүн ичинде суунун көлөмү кетиптир деп турат ко үңкүр татаал аймакта жайгашкан кайра чыкканга жолду таба алышпайт дешкендирда суу бар болсо келген жолу байкалбай калатдырда

aslan_akjol89

2018-07-04 15:57:07

kg_salim,ункурго кирчу жол биринчи томондоп барып анан жогоруласа керек менимче,жанагы Россиядагы баберлордун ийининдей болуп.

Aikaaaa

2018-07-04 00:48:04

Ошол тажрыйбалуу суучул ар барган сайын, суучулдун кийиминен ала барып чыгарып кете албайбы

ainura28

2018-07-04 15:59:07

unkurdo 2 kilometr alistika cheyin basishiptir 22 metr terendikte azir mezgil jaan chachin bolgonduktar suunun kolomu oido kotorulup oorduk kilat eken. baldar da suuda suzuunu bilbegendikter alardi suuda suzuunu uirotobuz dep jaziishiptir, azirincha tamak ash medicina menen kamsizdandirabiz deit. jakinki arada bolboso oktyabrda chigishat dep jazishiptir Angliyanin jurnalisteri. aman esen chigip alishsa eken.

Комментарий калтыруу үчүн өз ысымыңыз менен кириңиз же каттоодон өтүңүз.