Орусиялык уюшкан кылмыштуу топтун мүчөсүнө Кыргыз паспортун берген кызматкерлер камакка алынды

Орусиялык уюшкан кылмыштуу топтун мүчөсүнө Кыргыз паспортун берген кызматкерлер камакка алынды. Бул тууралуу Ички иштер министрлигинин басма сөз кызматы кабарлады.

Маалыматка ылайык, министрлик издөөдө жүргөн орусиялык жаранга паспорт Мамлекеттик каттоо кызматы тарабынан берилгенин аныктаган.

Белгилүү болгондой, ушул жылдын январь айында Орусиянын укук коргоо органдары тарабынан издөөдө жүргөн Борис Матузный аттуу Орус жараны Испаниядан колго түшүрүлгөн. Кармалган кылмышкердин жанынан Кыргыз жаранына таандык паспорт табылган.

Иликтөө иштеринин натыйжасында ал Кыргыз паспортун 2016-2017-жылдары жасалма ат менен алгандыгы аныкталган.

"Кыргыз жаранынын атын колдонуп жүргөн Орусиянын 1967-жылы туулган Борис Матузный аттуу жараны Орусиянын Приморск крайында уюшкан кылмыштуу топтун активдүү мүчөсү катары каттоодо турат. Ал адам өлтүрүүнү уюштурган деп айыпталып Орусиянын укук коргоо органдары тарабынан издөөдө жүргөн", - деп айтылат маалыматта.

Маалыматка караганда, паспорт чет өлкөлүк кылмышкерге мыйзамсыз түрдө Жалал-Абад облусуна караштуу Сузак районунун калкты каттоо жана паспорттоштуруу (паспорт менен камсыздоо) бөлүмүнөн берилген.

Алынган материалдардын негизинде аталган факт боюнча кылмыш иши козголгон. Кылмыш ишинин алкагында Сузак районунун калкты каттоо жана паспорттоштуруу (паспорт менен камсыздоо) бөлүмүнүн мурдагы башчысы И.Б. жана Сузак районунун жарандын абалдык актыларын каттоо (ЗАГС) бөлүмүнүн кызматкери Ж.А. кармалып, Бишкек ШИИББинин убактылуу кармоочу жайына киргизилди.

Учурда ИИМдин тергөө бөлүмү иликтөө иштерин жүргүзүүдө.

Автор: Гүлзахира Дөөлөталы кызы

07:32 19-07-2018

Жазылуу

РУБРИКАДАГЫ СОҢКУ КАБАРЛАР

00:00 2025-06-18 | Түркүн дүйнө

Трамп Иран боюнча бир катар билдирүүлөрдү жасады 919 0

23:49 2025-06-17 | Түркүн дүйнө

Түндүк Кореяга алгачкы ирет Орусиядан поезд жөнөп кетти (видео) 580 0

23:30 2025-06-17 | Түркүн дүйнө

АКШ аралаша баштады... Иран Израилдин эки шаарына эскертүү берди 1633 0

23:22 2025-06-17 | Саясат

Садыр Жапаровдун Астанага болгон иш сапары аяктады 232 0

23:03 2025-06-17 | Түркүн дүйнө

Иран Израилге жаңы ракеталык чабуулун баштады 1375 0

22:45 2025-06-17 | Түркүн дүйнө

Индонезияда Левотоби жанар тоосу атылды (видео) 455 0

Архив

Комментарийлер (12)

Sezim.A

2018-07-18 22:23:17

Кыргыз паспортунун баркын кетирдинер,эл жерге куйуп быша турган инсан барбы деги?!Эмне дешти да билбейсин жан кашайганда соз таппай каласын.Мыйзамдуу турдо жазасын алышсынчы.

+10

Artyr1994

2018-07-18 22:23:25

Ош шаарынын Шеит-Тобо мкр жана Кара-Суу районундагы паспорт столдун кызматкерлерин ото катуу текшеруу керек. 89%не законно ХХХХХХХХХХХХ ХХХХХ

+16

Дарыгер

2018-07-18 22:32:11

Тажик жаранына да ушул Сузактан паспорт берилди деп жанылыктарда жүрдү беле. Жасалма паспорт берүү борбору окшойт

Jelezo

2018-07-18 22:40:12

Кыргызстанда паспорт столдо иштеген баардык кызматкерлерди текшерсе бардыгында мындай иштер бар себеби эч кандай бизнеси жок эле хан сарайларды салып кымбат машиналарда журушот мамлекеттик кызматта иштегендер омур бою иштесе да айлык акы менен андайга жетууго мумкун эмес.Россияда биртоп эле тажик озбек граждандары кыргыз паспорту менен журушот экен.

+12

izdeim_seni

2018-07-18 22:49:27

Өлкөгө эң чоң коркунуч жараткан өздөн чыккан душмандар десе. "Кыргыз Республикасынын", "кыргыз жарандарынын" атын булгаган бул кемпайларга мамлекет өлүм жазасын берсе да аздык кылат. Улуу урматтуу Президентибиз бул тарапка да кайдыгер карабай көңүл бурса деген ишеним чоң

bond02

2018-07-18 23:10:11

Ушул нерсе тыйылбады го, мындай бизди уят кылгандарга бергенден коро А. Жапаров айткандай озубуздун койлорго берген жакшы го дейм.

patiydin

2018-07-18 23:12:55

Кыргызым! ХХХХХХХХХХ ушуга окшогон ХХХХХХХХХ кыргыздын атын булгагандарды.

Chungyz

2018-07-19 00:07:19

ХХХХХ ХХХХХХ тойбодунар

Snejana

2018-07-19 00:41:00

Коррупция тамырлашып, чырмалышып кеткендигине байланыштуу, мындай былыктардан копко чейин кутулбайбыз. Алар сотко акча берет да, чыгып кетишет. Сот дагы бироого берет... ушинтип жомок улана берет. Анан "боло берет экен" деп, башка коррупциялардын дагы тамыры кенен жайылып, Кыргызстаным онукпогон он олконун ичине кирди болуп, омур ото берет.

Aikaaaa

2018-07-19 22:48:29

Акча болсо баарын сатат,анын арты эмне болот ойлонушпайт окшойт. Акчале болсо болду. Мекен үчүн күйгөн, ак иштеген эч ким жок

Meni_unut

2018-07-21 00:59:40

Азыр акча десе кээ бирлер баарын сатат

Комментарий калтыруу үчүн өз ысымыңыз менен кириңиз же каттоодон өтүңүз.