"Мен эки күн мурун эле өлүшүм керек болчу" деп сууга боюн таштаган кызды милициялар куткарып калышты

Кыз боюн таштаган Исфайрам дарыясы

Баткен облусунда Үч-Коргон айылында 16 жаштагы кыз сууга боюн таштап, агып бара жаткан учурда милиция кызматкерлери куткарып калышты. Бул тууралуу Баткен ОИИБинен бүгүн, 26-июлда билдиришти.

Бүгүн саат 15:28 чамасында Кадамжай районунун Үч-Коргон айылдык милиция бөлүмүнө "жаш кыз сууга боюн таштап жиберди" деген кабар келип түшкөн.

"Кабарды уккан соң Кадамжай РИИБинин криминалдык милициясынын кызматкерлери жана ыкчам тергөө тобунан өкүлдөр барышкан. Окуя Исфайрам дарыясында болгон. 3 милиция кызматкери кызды куткаруу үчүн сууга кирип, шар аккан дарыяда 10 метрдей жерге чейин агып барган кызды алып чыгышкан. Аман калган кызды Үч-Коргон айылдык милиция бөлүмүнө алып келишип, аты-жөнүн тактаган учурда, ал Кызыл-Кыя шаарынын 16 жаштагы Ю.Н. аттуу тургуну экендиги аныкталган. Анын эмне себептен мындай кадамга баргандыгын сураганда "Мен эки күн мурун эле өлүшүм керек болчу, бирок сууга бүгүн актым", - деп жооп берген.

Азыркы убакытта кыздын жакын туугандары чакырылып, тиешелүү материалдар жыйналды. Милиция кызматкерлери тарабынан кызга жана анын ата-энесине түшүндүрүү иштери жүргүзүлүүдө.

Кадамжай районунун аймагында жыл башынан бери өзүн-өзү өлтүрүү фактысынан үчөө катталып, бирөө каза болуп, экөөнү милиция кызматкерлери аман алып калышканын кошумчалайт басма сөз катчысы.

Автор: Айсалкын Качкынбекова

19:24 26-07-2018

Жазылуу

РУБРИКАДАГЫ СОҢКУ КАБАРЛАР

19:47 2025-06-17 | Саясат

Жазуучу Чыңгыз Айтматовдун кебин айтып... Садыр Жапаров Астанадагы саммитте эмне деди? 144 0

19:19 2025-06-17 | Түркүн дүйнө

Борбор Азиянын жарандары да бар... Ирандан 600дөн ашуун адам эвакуацияланды 202 0

18:58 2025-06-17 | Түркүн дүйнө

Иранда абактагы жардыруудан кийин соттолгондордун качкан видеосу тарады 936 0

18:31 2025-06-17 | Кылмыштар, кырсыктар

Кинофестивалга жарым жылаңач болуп барган блогер сөгүнгөнү үчүн 3 суткага камалды (видео) 1364 0

18:07 2025-06-17 | Түркүн дүйнө

Израил-Иран чатагы: Европа өлкөлөрү жарандарын эвакуациялай баштады 599 0

17:53 2025-06-17 | Саясат

Садыр Жапаров "Борбордук Азия – Кытай" саммитине катышууда 268 0

Архив

Комментарийлер (4)

monster_high_98

2018-07-26 20:09:43

Жашоо ушул, бардык нерсени таштап , проблемалардан олум менен кутулгун келет! Жашоонун манызы билинбейт,максатсыз уйкудан ойгонуулар...!!Бирок жашоого максат коюп,ата энен учун да жашашын керек!Сага озунду олтуруу оной болсо,ата энеге уулунун олумун коруу кыйын!Жаша!

boris8907

2018-07-26 22:22:23

monster_high_98,уул эмес кыз

Miroslav

2018-07-26 23:59:25

Кадамжайдын милициялары дарыяга кайырмак ыргытып эле отурат окшойт,качан кыз тушот экен деп,1 ай мурун эле бир милиция акабиз агып бараткан кызды куткарып Кыргыз эл Баатыры болушка чут чут калды эле,же кыздар график тузуп беришкенби Кадамжай Ровдсына саат ушундайда кыздар агат дайар тургула деп.Эмне болсода молодесинер,балааасинар милисалар,гап жок тан бердик.

muslim87

2018-07-28 00:59:33

Miroslav, ылдам барып куткарып калса дагы айтсаңар куткара албай кеч барып калса дагы,көп нерсени айтмаксың. Демек кесипкөй өз ишин мыкты билген инсандар иштейт ал жерде. Ошон үчүн ыкчам кыймылдап куткарып атышат.

Комментарий калтыруу үчүн өз ысымыңыз менен кириңиз же каттоодон өтүңүз.