Samsung Group жаңы технологияларды өнүктүрүү үчүн 22 миллиард доллар акча жумшайт

Samsung Group жаңы технологияларды өнүктүрүү үчүн 22 миллиард доллар инвестиция жумшайт. Бул тууралуу Samsung Electronics расмий сайтына жарыялады.

Белгилүү болгондой, түштүк кореялык компания аталган суммадагы акчаны жасалма интеллект, 5G уюлдук байланыш, унаалар үчүн электрондук компоненттерди иштеп чыгуу багыттарына жумшайт. Аталган акчалар 3 жылдык ири масштабдагы 160 миллиард долларлык долбоордун бир бөлүгү болуп эсептелет.

Samsung Electronics инвестициялардын кандай жол менен бөлүштүрүлө тургандыгы жөнүндө эч кандай маалымат берген эмес. Бирок алар каражаттын көп бөлүгүн бере турганын билдирген.

3 жыл аралыгында 110 миллиард доллар Түштүк Кореядагы ишканаларга жумшалып 40 миңге жакын жаңы жумушчу орундар түзүлөт.

Автор: Айзада Тураркулова