Бишкек ШИИББи: Исанов-Рыскулов көчөлөрүндө болгон жардыруу орусиялык ишкерге карата кол салуу болгон

Кечээ, 10-августта Бишкек шаарындагы Исанов-Рыскулов көчөлөрүнүн кесилишине жакын жерде болгон жардыруу орусиялык ишкерге карата кол салуу максатында уюштурулганын Бишкек ШИИББи тастыктады.

Маалыматка ылайык, бул факт боюнча Биринчи Май райондук соту Кылмыш-жаза кодексинин "адамды өлтүрүүгө аракет кылуу" беренеси боюнча кылмыш ишин козгоду.

"Жардыруу орусиялык ишкерге карата уюштурулган кол салуу болгон. Учурда тийиштүү экспертиза дайындалып, иликтөө иштери башталды", - деди маалымат катчы.

Буга чейин Александр Гайдуков аттуу орусиялык ишкерге Бишкекте кол салуу болгондугу маалымат каражаттарында мындан 2 жыл мурун да жазылган. Күбөлөрдүн айтымында, кечээ, 10-августта да аты аталган ишкерге кол салуу болгон.