Таласта айдоочу рулду башкара албай унаасы оодарылып кетип, кырсыктан 1 адам каза болду

Таласта адам өмүрүн алган жол кырсыгы болду. 12-август күнү саат 09:10до Тараз-Талас-Суусамыр унаа жолунун Манас айылындагы тилкесинде Субару Форестер үлгүсүндөгү унаанын айдоочусу рулду башкара албай калып, унаа жолдон чыгып оодарылып кеткен. Маалыматты Өзгөчө кырдаалдар министрлигинин басма сөз кызматы билдирди.

Кырсыктын кесепетинен 1 адам каза болуп, 4 адам жабыркаган. Жол кырсыгы болгон жерге куткаруучулар барып, жабыркаган адамдарга биринчи медициналык жардам көсөтүшкөн. Андан соң жаракат алган жарандар "Тез жардам" кызматы аркылуу Чат-Базар айылында жайгашкан ооруканага жеткирилген.

Автор: Айпери Ганыжан кызы