Орусиялык куудулдар Евгений Петросян менен Елена Степаненконун ажырашуусу азыркы тапта көптөгөн кызуу талкууну жаратып жаткан кези. Көпчүлүккө белгилүү болгондой, жылдыздуу түгөйлөр 15 жылдан бери чогуу жашабайт. Бирок эмне себептен Елена Степаненко эми гана ажырашуу тууралуу арыз жазгандыгы көптөгөн кызыгууларды жаратууда.
Орусиялык маалымат каражаттарынын жазып чыкканына таянсак, Евгений Петросяндын сүйүктүүсү бар. Ал куудулдун 29 жаштагы жардамчысы Татьяна Брухунова экени белгилүү болгон.
Артисттин кесиптештери ажырашуу тууралуу маалымат коомчулукка тарагандан бери Петросян жаш сүйүктүүсү менен сулуулук салондоруна барып, ар кандай сулуулук каражаттарды колдонуп өзүнүн курагынан жаш көрүнүп калганын билдиришкен.
Такталбаган маалыматтарга караганда Татьяна Брухунованын кош бойлуулугу түгөйлөрдүн ажырашуусуна түрткү болгон. Бул тууралуу артисттер өздөрү эч кандай маалымат таратыша элек.