Кыргыз балбаны Айсулуу Тыныбекова Жайкы Азия оюндарында кыз-келиндер арасындагы мелдештин финалына чыкты.
Бүгүн, 20-августта Индонезияда өтүп жаткан Жайкы Азия оюндарынын кыз-келиндер арасындагы күрөш боюнча мелдеште Кыргыз балбаны Айсулуу Тыныбекова 62 килограммга чейинки салмак ченинде күрөшүп жатат. Жарым финалда Тыныбекова "Рио-2016" Олимпиадасынын медалчысы индиялык Сакши Малик менен кез келди. Беттештин жыйынтыгында Тыныбекова 8:7 эсеби менен жеңишке жетип, финалга аттанды.
Буга чейин Айсулуу Тыныбекова жарым чейрек финалда түндүк кореялык Жонг Сим Римди, жарым финалда кытайлык Руи Хюну утуп алган.
"Рио-де-Жанейро-2016" Олимпиадасынын алкагында кыз-келиндер арасында кармашта Тыныбекова коло медаль үчүн кармашта Индиянын спортчусу Малик Сакши менен кез келип, утулуп калган.