Айсулуу Тыныбекова: "Эң негизгиси Рио-2016 Олимпиадада медаль үчүн беттеште утулуп калган атаандашымды жеңдим"

24-августта Индонезиядагы Жайкы Азия оюндарына катышып ийгилик жараткан балбандар кайтып келишти.

Анда кыз-келиндер арасындагы мелдеште күмүш медалды тагынган, Кыргыздын атактуу балбаны Айсулуу Тыныбекова SUPER.KG порталына мелдеш тууралуу айтып берди

"Менин салмагымда атаандаштарым күчтүү болду, дүйнөнүн алдыңкы спортчулары келишти. Эң негизгиси финалдык беттешке чыкканга чейин Рио-2016 Олимпиадада медаль үчүн беттеште утулуп калган атаандашымды жеңдим. Бул беттеш мен үчүн абдан керек болчу. 62 килограмм салмакта күрөшүү салмагым жетпегени үчүн бир топ оор болду", - дейт ал.

Ошондой эле Айсулуу Тыныбекова кайрадан козголуп калган жаракаты тууралуу айтып берди.

"Быйыл Бишкекте өткөн Азия чемпиондугунда дагы жаракатым айыксын деп катышкан эмесмин. Эми бул Азия оюндарына даярданууда жаракатым толугу менен айыкты деп ишенгенбиз. Өзүмдү жакшы эле сезип жаткам. Бирок акыркы эл аралык мелдешке барып, машыгуу учурунда эле жаракатым кайрадан козголду. Ага карабай мелдешке катышып, экинчи күнү финалдык беттешке чыкпай койгом. Эми Азия оюндарынын алдында жаракатымды дарылап, денемди жибитип эле жүрдүм. Эң негизгиси килем үстүндө машыгууларды жасаганга үлгүрбөй калдык. Биз Жайкы Азия оюндарына барып, кыз-келиндер арасындагы күрөш башталган күнү күрөшөбүз деген чечимге келдик", - деп айтып берди Айсулуу Тыныбекова.

Айсулуу Тыныбекова Жайкы Азия оюндарында 62 килограммга чейинки салмак ченинде күч сынашып, финалда монголиялык балбан Оркхон Пуревдоржго жеңилип калды. Муну менен ал күмүш медалдын ээси болуп калды.

Азия оюндарынан 8 медалды багындырган балбандар өлкөгө кайтып келишти

Автор: Нурсултан Нурболот уулу
Фото: Нурсултан Нурболот уулу

09:17 25-08-2018

Жазылуу

РУБРИКАДАГЫ СОҢКУ КАБАРЛАР

09:36 2025-05-15 | Коом жана турмуш

Бишкекте "102" тасмасынын жабык көрсөтүүсү өттү (видео) 24 0

09:35 2025-05-15 | Коом жана турмуш

"Кызыгуум күч болду". Кыргыз тилин 5 айда үйрөнгөн стамбулдук Юсра менен маек 903 0

09:32 2025-05-15 | Түркүн дүйнө

Путин менен Зеленский Стамбулга сүйлөшүүгө ким барарын чечти 132 0

08:50 2025-05-15 | Коом жана турмуш

Өлкөдө бала бакча жетекчилеринин бош кызмат орундарына сынак жарыяланды 139 0

08:30 2025-05-15 | Коом жана турмуш

"Браконьерлер чабуулун токтотпой". Ысык-Көлдө эс алуучу жайлардын жээктерин тазалоо күчөтүлдү (видео) 266 0

08:12 2025-05-15 | Коом жана турмуш

Ошто мал сарай бузулуп, ордуна жаңы эс алуу жайы курулду 419 0

Архив

Комментарийлер (4)

Shaa-82

2018-08-25 09:20:43

Ошондо женишин керек эледа, сен эмес мен да суйундум ошол Малик Сакиш беле ошону женди деп. Ошондо женет болчусун кичине ката кетирип алгансында. Болор иш болду эмки дуйнолук мелдеште буюрса АЛТЫН тагынасын деген умуттобуз.

monster_high_98

2018-08-25 09:57:48

Риодо катарынан беттештерге чыга берип бираз чарчап калган,анан да калыстар адилеттуу болбогон.Сиз учун кубандым ошол индиялыкты женди дегенде,азаматсыз!

fanatka19

2018-08-25 19:15:07

Азамат Айсулуу бар бол.корунуктуу жылдыздарыбыз мына ушул спортчуларды куттуктап чыгаргандын ордуна Самараны куттуктагандары тан калтырды.

bekov01

2018-08-26 16:13:23

Айсулууга кыргызстандын биринчи даражадагы емгек синирген айымы наамы берилиши керек! Биз сени менен сыймыктанабыз!

Комментарий калтыруу үчүн өз ысымыңыз менен кириңиз же каттоодон өтүңүз.