super.kg logo

СССРдин Эл артисти Иосиф Кобзон дүйнө салды

 

СССРдин Эл артисти Иосиф Кобзон 80 жаш курагында узакка созулган оорудан улам дүйнө салды. Бул тууралуу орусиялык басылмалар жазып чыкты.

Эске салсак, Иосиф Кобзон 2005-жылдан бери рак илдети менен жабыркап келген. Ушул жылдын 18-июнунда анын ден соолугу начарлап онкологиялык борборго кайрылган. Ал бир айдан ашуун убакыттан бери химиялык терапия жолу менен дарыланып жаткан.

Маалымат үчүн:

Иосиф Кобзон 1937-жылы 11-сентябрда Украинанын Донецк облусуна караштуу Часов Яр шаарында төрөлгөн. 1959-1962-жылдары Бүткүл союздук радио түйүнүндө эмгектенген. Андан кийин мамлекеттик концерттик уюмда ырчы болуп иштеген. Иосиф Кобзонго Бүткүл союздук атактуулукту "А у нас во дворе" деген ыры алып келген. Дал ушул жылы орусиялык эстрада артисттеринин сынагынын, Польшадагы эл аралык сынактын лауреаты болгон.

1963-жылы Мамлекеттик музыкалык-педагогикалык институтта вокал боюнча билимин алса, 1974-жылы Марксизм-ленинизм университетин бүтүргөн.

1984-жылы Мамлекеттик музыкалык-педагогикалык институтта эстрадалык вокал боюнча сабак бере баштаган. 1993-жылы профессор болгон.

Ал эми 1973-жылы Советтер Союзунун Коммунисттик партиясынын мүчөсү, 1989-жылдын май айынан 1991-жылдын сентябрына чейин СССРдин Эл депутаты жана "Союз" депутаттык тобунун мүчөсү болгон.

1997-жылы Мамлекеттик Думанын депутаты болгон. 1999-жылдан тартып депутаттык топтун, партиянын мүчөсү катары Мамлекеттик Думанын II-VII чакырылыштарындагы депутаты.

2015-жылы Донецк Эл Республикасынын Эмгектин Баатыры, 2016-жылы Орусия Федерациясынын Эмгектин Баатыры деген жогорку сыйлыктарга ээ болгон.

Репертуарындагы белгилүү ырлар "Смуглянка", "День победы", "Доченька", "Майский вальс" жана башкалар.



СССРдин Эл артисти Иосиф Кобзон көз жумду

Автор: Айзада Тураркулова
Оператор: Мундуз Нурланбек уулу
 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(3)
30.08.2018. 16:52 
Тайпасы:
Жаран
Комментарийлердин саны:
3
Катталган:
07-05-2018
Соӊку аракети:
17-11-2018 14:01
Жынысы:
Белгисиз
+3
День победы.....эх, жаткан жери жайлуу болсун!
30.08.2018. 17:36 
Тайпасы:
Жаран
Комментарийлердин саны:
178
Катталган:
01-05-2018
Соӊку аракети:
16-11-2018 14:52
Жынысы:
Белгисиз
+3
Эх Жусуп Кобзон кетипсин да,жаткан жерин жайлуу болсун.
30.08.2018. 22:41 
Тайпасы:
Жаран
Комментарийлердин саны:
25
Катталган:
20-03-2017
Соӊку аракети:
09-11-2018 22:57
Жынысы:
Белгисиз
+4
Сексен жаш жакшы эле жашаптыр азыр жанга ишениш жок жакшына журуп эле олуп калтат.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
117816;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: