III Дүйнөлүк көчмөндөр оюндарынын ачылышында Кыргыз делегациясынын арасындагы кыздын калпак кийип алгандыгы көрүүчүлөр арасында суроо жаратты

Кечээ, 2-сентябрда Чолпон-Ата шаарында жайгашкан ат майданында III Дүйнөлүк көчмөндөр оюндарынын салтанаттуу ачылыш аземи болуп өттү. Аталган иш-чарага бир катар чет өлкөлөрдүн башчылары да катышты.

82 мамлекеттен келген 2 миң 500гө жакын спортчулар өлкөсүнүн желеги менен эл алдынан басып өтүштү. Көчмөндөр оюнуна келген мамлекеттердин спортчулары өздөрүнүн улуттук кийимдерин кийип чыккандыгы менен суктандырды. Ал эми Түркиянын делегациясынын катарында баскан памирлик кыргыздарды да көпчүлүк байкап отурду.

Соңунда улакчы Манас Ниязов баштаган Кыргыз спортчулары эл алдына чыгышты. Кыргыз делегациясынын арасында Олимпиада, Азия оюндарынын жеңүүчүлөрү да болду. Көпчүлүктүн көңүлүн башына мырзалардын ак калпагын кийип чыккан кыз өзүнө бурду.

Делегациянын катарында баскан ак калпакчан кызга социалдык тармактарда ар кандай пикирлер айтылды. Айрым интернет колдонуучулар чет элден келген коноктор Кыргыздын кийген кийиминен, ар бир кыймылынан элдин маданиятын түшүнө тургандыгын жазышууда. Кээ бири кыз үшүп кеткендиктен калпак кийип алган деген божомолдорун билдиришкен.

Автор: Айзада Тураркулова

10:07 03-09-2018

Жазылуу

РУБРИКАДАГЫ СОҢКУ КАБАРЛАР

18:25 2025-05-09 | Коом жана турмуш

"Ала-Тоо" аянтында Улуу Жеңиш майрамына карата концерт өтүп жатат 633 0

17:27 2025-05-09 | Супер-Инфо

Айгерим Эшим, ырчы: «Ырым сөзсүз хит болушу керек дебейм» 376 0

16:22 2025-05-09 | Супер-Инфо

Геморрой жана анын түрлөрү 412 0

15:50 2025-05-09 | Коом жана турмуш

Кызыл аянтта Кыргыздын Улуттук гвардиясы параддан өттү (видео) 1591 0

15:35 2025-05-09 | Коом жана турмуш

Парад, оюн-зоок, "Өлбөс полк"... Ошто Жеңиштин 80 жылдыгы салтанаттуу белгиленди 526 0

15:22 2025-05-09 | Түркүн дүйнө

Москванын Кызыл аянтында Жеңиш парады өттү 1026 0

Архив

Комментарийлер (20)

bek_tash

2018-09-03 10:14:51

Татынакай кыз го ээ? Эч нерсе болбойт бир калпака асылып туруп албай чооң чоң ийгиликтерди каалайлы.

-7

Rasul94

2018-09-03 11:10:34

bek_tash,сен жоолук салынып ал
анда.ийгилик каалайбыз

+13

pat12

2018-09-03 14:26:21

bek_tash,
Кыргыздар качан бири бирибизди андыганды токтотобуз.

Alinur96kg

2018-09-03 18:35:31

pat12,Анда кыргыз болбой калабыз да.

jengoo

2018-09-03 10:17:36

Жакшы эле корунушко.

-7

ursus

2018-09-03 10:21:59

Кыздар кийсе болбойбу? Болбогон проблемалар менен баш оорутасынарда.жумурткадан кыр издеп

-5

Asylai88

2018-09-03 10:23:56

Калпак кийсе не болуптур байпак кийип алган жок го башына ошончо конул бургудай. Кийсе адам кийди, кыргыз кийди андан не чыгат эле. Итке кийгизип чыкты го калпакты анда не кыла алдынар? Ушактаганга эч нерсе калбай эми ошол кыз кийген калпак калдыбы ойлонсонор боло.

+16

kechirmeni

2018-09-03 10:31:53

Муну дуу дуу кылып кеп кылыштын кереги жок, калпак кийсе патриоттуулуктун белгиси, калпак кийбеген "жигиттерге" улгу болсун

Miroslav

2018-09-03 10:44:27

Эн жакшы корунуш мага жакты,чем жыртык жинцы шым кийип жургон кыздарга карганда.

oshkyrgyz

2018-09-03 10:44:46

Соонун жарашыптыр! итке кийгизиштиго башка улуттун кыздары кийип чыкканда сыймыктанат элек сындабай эле!!!

aiba.8327

2018-09-03 10:50:13

Атын чыкпаса калпак кий болуптур да...

tatum67

2018-09-03 10:51:49

82 өлкөнүн өкүлдөру келип жатса Кыргыз кызынын жанындагы жигиттерге тең тайлаша калпак кийип алганы жакшы көрүнүш эмес. Ошол жакта жүргөн ар бир Кыргыздан баска-турганы, кийген кийими биздин маданият тууралуу кабар берет. Башка кыздар кийизден жасалган жакшынакай баш кийимдерди кийип чыкты го, кыздарга арналган. Боло берет, Кыргыз кийиптир да, эмне болмок эле деп койгондун айынан көрөңгөлүү, уюткулуу Кыргыздын алмустактан бери келе жаткан каада-салты, нарк-насили унутта калып келе жатат!

Nanei

2018-09-03 11:16:26

Негатив жазгандар только эркектер,ото эле майдаланып кеттинер. Сонун,мага жакты

-4

nazgul1905

2018-09-03 12:19:20

Nanei,анда сен куйооно жоолук салып кой, боло берет!!!

Tyty1990

2018-09-03 11:23:11

Кийсе кийиптир да

-5

pat12

2018-09-03 12:00:07

Эчтеке болбойт. Жакшы эле корунуш. Ырымчыл боло беруунун кереги жок.

-3

nazgul1905

2018-09-03 12:15:36

Боло берет деген кыргыз туугандарым,ойлонуп жазгылачы айланайын!!! Калпак биздин кыргызымдын эркектерин тааныткан баш кийим,унутпагыла!!! Кочмондор оюнунда ар бир кыргыздын баскан-турганына сын айтылат,эмне тушунбоду экен кыргызымдын сасыткысы?

Snejana

2018-09-03 15:40:50

Мелочь болбогулачы. Кылт эткенге эле сайыла бересинерби. Калпакты бутуна кийип алгансып, майдаланасынар да.

aisyrga88

2018-09-04 09:14:05

Ошону менен эле эмне чет элге маданиятсыз корунуп калат белек

Комментарий калтыруу үчүн өз ысымыңыз менен кириңиз же каттоодон өтүңүз.