АКШда өлүм алдында жаткан бала үчүн ата-энеси Рождество майрамын сентябрда уюштурду

АКШда 2 жаштагы балага ата-энеси Рождество майрамын сентябрда уюштурду. Алардын мындай кадамга баруусуна баласынын жашоосуна 1 гана ай калганы себеп болгон.

Чет элдик басылмалардын жазганына ылайык, 2 жаштагы Броди Аллендин баш мээсинде шишик бар экендиги аныкталып, 3 ай дарыланган. Бирок шишик баш мээнин төрт бөлүгүндө тең бар болгондуктан аны дарылоо мүмкүн эмес болгон. Дарыгерлер Броди Аллен 2 ай гана жашай турганын айтып, ооруканадан чыгарган.

Бродинин атасы - жүк ташуучу унаанын айдоочусу. Ал баласынын оор дартка кабылганын укканда жумушун таштап, убактысынын баарын уулу менен өткөрүүнү чечкен. Броди Аллен Рождество майрамына чейин каза болору маалым болгондон кийин ата-энеси жана кошуналары бала өмүрүнүн акыркы мүнөттөрүндө кубанып калсын деп Рождество майрамын уюштурган. Ошондой эле Броди жашаган аймактын тургундары кайрымдуулук үчүн акча чогултушкан.

Автор: Бактыгүл Момбекова