Президенттин кымбат ресторанда тамактанганы кыйынчылыкта жашап жаткан Венесуэла элин кыжырлантты

Экономикалык кризисти баштан кечирип жаткан Венесуэла эли президенттин Стамбулдагы кымбат ресторанда тамактанганына кыжырланууда. Бул тууралуу чет элдик басылмалар жазышты.

Интернетке чыккан видеодо президент Николас Мадуронун Стамбулдагы кымбат ресторандардын биринде тамактанып, тамеки тартып отурганын, ашпозчу ага этти өзгөчө берилүү менен кесип берип жатканын көрүүгө болот. Президент Николас Мадуро Венесуэлага инвестиция тартуу максатында Кытайга барган. Кайра келе жатканда Стамбулга токтоп, жубайы экөө ресторанда тамактанышкан.

Венесуэлада азык-түлүк жетишсиздигинен жашоочулардын 64 пайызы орто эсеп менен 11 килограммга чейин арыктаганы айтылат. Жаш балдардын тамакка тойбой жатканы күч алганы маалымдалган. 2014-жылдан бери өлкөдөн 2,3 миллионго жакын адам чыгып кеткен. Дал ушундай кырдаалда президенттин чет өлкөдөгү түшкү тамагы элди кыжырлантты.

Президент маалымат жыйында бул боюнча "Бизди ашпозчу Нусрет жеке өзү тейледи. Сүйлөшүп, убакытты жакшы өткөрдүк", - деген.

Видеону өзүнүн баракчасына жүктөгөн түркиялык ашпозчу Нусрет Гёкче да сынга кабылды. Ага карата "Уят! Венесуэлада ачкалыктан миңдеген адамдардын өлүмүнө жоопкерчиликтүү болгон адамга кызмат кылдың" деген сындар айтылган.

Президенттин заңгыраган ресторанда тамактанганы Венесуэлада кыжырданууну жаратты

Автор: Айпери Ганыжан кызы

16:55 19-09-2018

Жазылуу

РУБРИКАДАГЫ СОҢКУ КАБАРЛАР

21:30 2025-05-03 | Коом жана турмуш

Жеңиш майрамына карата 8-9-май күндөрү борбордогу бир катар көчөлөр жабылат 297 0

20:24 2025-05-03 | Кылмыштар, кырсыктар

Ошто букмекердик иштерди мыйзамсыз жүргүзүүгө шектелгендер кармалды (видео) 584 0

18:42 2025-05-03 | Кылмыштар, кырсыктар

"Батирлерин сатып". Бишкекте ири алдамчылыкка шектелгендер кармалды 1005 0

17:27 2025-05-03 | Коом жана турмуш

"Генерал айтты да, аны аткарды". Өмүрбек Бабанов Ташиевге ыраазычылык билдирди (видео) 4003 1

17:03 2025-05-03 | Түркүн дүйнө

Зеленский Путин сунуштаган 3 күндүк ок атышпоо сунушуна макул эместигин билдирди 1924 0

16:12 2025-05-03 | Түркүн дүйнө

Орусияда мышык эки аялды балконго камап салган (видео) 1835 0

Архив

Комментарийлер (3)

lenin1870

2018-09-19 17:28:40

Диета кармап арыктаймын дегендер Венесуэлага баргыла диетасыз арыктайсынар

Hurem

2018-09-19 17:54:40

lenin1870,Чындыгында бул эн чон койгой. Биздин курсагыбыз кудайга шугур ток. Чон киши го чыдайт жаш балдарга кыйын эле да. Сенин жазганын шылдындагандай болуп калыптыр.

AKCAHAT

2018-09-20 16:09:48

Нусреттин эмне тиешеси бар, ага акчасын толосо бомжга деле эт кесип берет.

Комментарий калтыруу үчүн өз ысымыңыз менен кириңиз же каттоодон өтүңүз.