Ош шаарында кутурган ит тиштеп алган 19 жаштагы жигит каза болуп калды

Ош шаарында кутурган ит тиштеп алган 19 жаштагы жигит каза болуп калды. Бул тууралуу бүгүн, 19-сентябрда Ош шаары боюнча оорулардын алдын алуу жана мамлекеттик санитардык-эпидемиологиялык көзөмөлдөө борборунун башкы дарыгеринин орун басары Артыкбай Эралиев билдирди.

"Июль айынын башында 19 жаштагы Баткен облусунун тургунунун колун кутурган ит тиштеп алган экен. Ит тиштегенден кийин дароо дарыгерлерге кайрылып, өз учурунда кутурмага каршы эмдөөдөн өтүү керек. Бирок каза болгон бала эч жакка кайрылган эмес. Абалы оорлошуп кеткенде гана ооруканага жеткирилген. Ал жигит 13-сентябрь күнү "Тез жардам" кызматы менен оор абалда кечинде келип түшкөн. Колдон келишинче медициналык жардам көрсөтүлгөн, 14-сентябрдан 15-сентябрга караган түнү саат 2:00 чамасында ал каза болуп калды", - деп билдирди дарыгердин орун басары.

Ал белгилегендей, бейтап ооруканага келгенде дарыгерлер аны кутурган ит тиштегенин аныкташкан. Бирок көп убакыт өтүп кеткендиктен маркумду тиштеген ит белгисиз болуп жатат.

Белгилүү болгондой, маркум Ош шаарындагы Медициналык колледждин стоматология факультетинин 3-курсунун студенти болчу.

Ошто 2 жарым ай мурун кутурган ит тиштеген 19 жаштагы жигит каза болду

Автор: Мальвина Уметбекова

07:34 20-09-2018

Жазылуу

РУБРИКАДАГЫ СОҢКУ КАБАРЛАР

19:22 2025-07-12 | Түркүн дүйнө

Ташкентте көзөмөлсүз калган эки бала бассейнге чөгүп каза болду 205 0

17:51 2025-07-12 | Коом жана турмуш

“Камалып калгандар болот”. Бишкекте толук бүтпөгөн үйдүн жашоочулары лифттин иштөөсүнө нааразы 676 0

17:33 2025-07-12 | Кылмыштар, кырсыктар

Бишкекте жол тандабас катуу ылдамдыкта келип дубалды сүзүп токтоду (видео) 963 0

17:23 2025-07-12 | Кылмыштар, кырсыктар

Токмокто өспүрүмдөр массалык мушташты (видео) 671 0

16:24 2025-07-12 | Коом жана турмуш

УКМК жөнүндө кино тартылып жатат (видео) 971 0

15:48 2025-07-12 | Саясат

Бишкекте белгилүү кафелердин ордуна салынып жаткан аренанын курулушу кызуу жүрүүдө 882 0

Архив

Комментарийлер (17)

Nuri1988Elim2010

2018-09-19 19:29:48

Жайы жаннаттан болсун

+12

surgeon777

2018-09-19 21:42:33

Айланайын элим эсинерде болсун,кутурган ит тиштеген адам бир жуманын ичинде каза болот,айыкпайт,бирок ит тиштегенден кийин сразу кайрылып вакцина алса аман калат,ошондо да кепилдик 100 пайыз эмес.
Ушул комментти окуган ар бир адам озунордун жакындарынарга тушундуруп айтып койгула,медик катары айтып жатам,силердин ден-соолугунар озунордун колунарда...
Жигиттин жаткан жери жайлуу болсун.

+19

Rifle_I

2018-09-20 08:23:50

surgeon777,инкубационный период 1 жумадан көбүрөөк.

surgeon777

2018-09-20 14:32:44

Rifle_I,инкубационный период 7кундон 7жумага чейин,в зависимости от места укуса,баштан канчалык алыс болсо инкуб.период ошончолук узунураак..ар бир киши ит кол салганда эле сразу инфек.больницага кайрылыш керек,озгочо жолбун иттер.

ashuular_plus

2018-09-19 21:54:16

Бул бала тирүү калганда стоматолог болмок экен, ал деле медик да, врачка кайрылыш керек экенин билген эмеспи бечара?

+10

surgeon777

2018-09-20 01:26:58

ashuular_plus,кутурма оорусун (бешенство) 4-курста "инфекционные болезни" деген сабактан отушот,маркум бала 3-курс экен,тем более стоматологдордун программасы боюнча баштын болугуно коп басым жасалат.Мен деле билчу эмесмин,кутурма тийдиби деген созду тамаша иретинде укчумун,кийин кутурманын айыкпас оору экенин окуганда шок болгом эгерде вакцина албаса,кочодогу кангыган иттерден да алыс жургуло..

Aikaaaa

2018-09-19 23:37:39

Кутурбаган ит тиштесе деле, врачтарга кайрылат го, өзү деле медик болмок экен, кантип билген эмес, ажалы да

Oazis89

2018-09-20 04:27:07

байкуш бала болушунча карманыптыр жанындагы врачка асылбашка. Ата энеси менен коштошуптур, кошунам врач эле ошонун колунда узулуптур. Коркпон мен сизге тийбейм дептир бала, дагы кичине жашагым келет жашашым керек эле дептир. Жакшы болуп кетесин десе жок мен олом интернеттен окудум деп айтыптыр

monster_high_98

2018-09-20 09:20:55

Oazis89,Эн оор учурларды баштан откоруптур да,жаткан жери жайлуу болсун!

femida86

2018-09-20 10:02:56

Oazis89,Баткендин кайсыл жеринен экен?

Oazis89

2018-09-20 04:28:19

ит Араванскийде тиштеген экен

demo009

2018-09-20 05:02:52

Өзү ошол Араванскийде фонтандын ал жак бул жагында жолбун иттер көп жүрөт.

Baku88

2018-09-20 11:44:29

Биз жакта да бир окуя болгон баланы ит тиштеп ата энеси кутурган ит тиштеди деп больницага алып барып өлтүртүп ташташкан кийин итти текшерсе кутурбаган дени соо эле ит болуп чыгат бала ушунчалык жалынып ыйлаган экен олоорундо

Asyl10

2018-09-20 11:53:13

Байкуш аай бир иттен ажал табам деп кайдан ойлосун. Жаман болуптур. Эми жаны жаннаттын торунон болсун. Жолбун иттерди жок кылуу керек,ээси бар иттерди кутурмага каршы вакциянация кылынбайт,Ветеринария тармагы жакшы иштебей эле айлыгыбыз аз деп отурушат жалдырап. Иштешпесе анда жаап эле, ветеринарияны ветаптекаларга откоруп бериш керек,ошолор аркылуу уй жандыктарын ит,мышыктан баштап,мал,койлорду эмдетиш керек. Кочодо жолбун иттер толтура,балдарды мектепке жонотуштон коркосун.

aszyma

2018-09-20 20:47:13

Кутурма озу буудайды кууруп жегенден болот. Буудай куурулганыга 40кун болгондо кутурат экен. Ошол буудайды чымчык жейт. Чымчык олуп кутуруп анан аны ит же карышкыр жейт. Ошентип тарап кетет. Деп илгеркилер айтышчу. Ошондуктан элдер ким окуса ушуну жаквндарынарга айткыла. Буудай маканы кууруп талкан кылат кээ бирлер. Ошон куурулганды токпой чачпай идиштерге салып талкан кылып жеп. Эч калтырбагыла. Бир даана калса да кутурат экен. Буудайды кууруп иш жузундо текшеришкен.

aszyma

2018-09-20 20:47:42

Админ ушул теманы алдыга жылдырып койгула.

Tahmina.Musaeva

2018-09-22 11:31:05

6 жыл мурун мени да ит тиштеген эле. Кутурган ит болсо керек деп коркуп жүргөм. Мен да эч кимге айтпайм деп жүргөм, анан бир тааныш эжеме айтсам, урушкан, апаңа айт деп. Ошол күнү эле апама айттым, 3 ай, бир жума 2 жолу укол алдым. Аябай ачуу укол эле.

Комментарий калтыруу үчүн өз ысымыңыз менен кириңиз же каттоодон өтүңүз.