Өкмөттүк аппараттын жетекчиси болуп Шамилбек Асымбеков дайындалды (өмүр баяны)

Өкмөттүк аппараттын жетекчиси болуп Шамилбек Асымбеков дайындалды. Бул тууралуу бүгүн, 20-сентябрда президенттик аппараттын басма сөз кызматы билдирди.

Маалыматка ылайык, тийиштүү буйрукка президент Сооронбай Жээнбеков кол койду. Кечээ, 19-сентябрда Жогорку Кеңеште өкмөттүк аппараттын жетекчилигине Шамилбек Асымбековдун талапкерлиги жактырылган.

Буга чейин өкмөттүк аппаратты башкарып келген Мурат Мукамбетов 8-августта кызматтан бошотулган.

Асымбеков 1963-жылдын 14-сентябрда Ысык-Көл облусунун Жети-Өгүз районундагы Покровка айылында туулган. Ал 1986-жылы К.Скрябин атындагы Кыргыз айыл чарба институтун экономика жана айыл чарбасын уюштуруу адистиги боюнча аяктаган.

Эмгек жолу:

1986-1988-жылдары Чүй облусунун Сокулук районунун Киров совхозунун экономисти;

1988-жылы Кыргыз компартиясынын Сокулук райондук комитетинин башчысы;

1988-1991-жылдары Кыргыз компартиясынын Ысык-Көл райондук комитетинин инструктору;

1991-1992-жылдары Ысык-Көл районунун "Жаңы жашоо" колхозунда башкарманын орун басары;

1992-1993-жылдары Ысык-Көл райондук мамлекеттик администрациясынын башкы инспектору;

1993-1998-жылдары Чүй облусунун Сокулук районунун "АШУ", "Эдиль" дыйкан чарбасынын төрагасы;

1999-2000-жылдары Эмгек жана социалдык өнүктүрүү министрлигинин Калкты жумуштуулук менен камсыздоо департаментинин директорунун биринчи орун басары;

2000-2001-жылдары Эсептөө палатасынын башкы инспектору;

2001-2004-жылдары Тышкы иштер министрлигинин "Кыргыздипсервис" мамлекеттик ишканасынын бөлүм башчысы;

2005-2007-жылдары "Шумкар" ААКсынын менеджери;

2007-2008-жылдары Жогорку Кеңеште кеңешчи;

2012-2016-жылдары Кыргыз мамлекетинин Орусиядагы элчилигинде кеңешчи;

2018-жылдын апрель айынан тарта өкмөттүк аппараттын жетекчисинин биринчи орун басары болуп иштеп келген.

Автор: Жылдыз Джускембаева

13:39 20-09-2018

Жазылуу

РУБРИКАДАГЫ СОҢКУ КАБАРЛАР

18:53 2025-05-02 | Түркүн дүйнө

АКШ армиясы Трамптын туулган күнүнө карата аскердик парадга даярдана баштады 1169 0

18:08 2025-05-02 | Коом жана турмуш

Жеңиштин 80 жылдыгына карата өтүүчү парадга даярдыктар жүрүүдө (сүрөт) 1034 0

17:46 2025-05-02 | Коом жана турмуш

"Бул өлкөдө Кыргызстандын балы өтө жогору бааланат" дейт Жапонияда эмгектенип жүргөн Гүлдаана 3664 0

17:30 2025-05-02 | Коом жана турмуш

Садыр Жапаров Ысык-Көлдөгү жейренди көбөйтүү долбоору менен таанышты (сүрөт) 1171 0

17:14 2025-05-02 | Коом жана турмуш

“Саякаттайлы, Кыргызстан жөнүндө айталы”. Араб өлкөлөрүндө жашап келген Арстанбек менен маек 1848 0

16:58 2025-05-02 | Коом жана турмуш

Бишкекте чет элдик жарандар уюштурган онлайн казино аныкталды 759 0

Архив

Талкуу жабык.