Юстиция министри болуп Марат Жаманкулов дайындалды (өмүр баяны)

Юстиция министри болуп Марат Жаманкулов дайындалды. Бул тууралуу бүгүн, 20-сентябрда президенттик аппараттын басма сөз кызматы билдирди.

Маалыматка ылайык, тийиштүү жарлыкка президент Сооронбай Жээнбеков кол койду. Кечээ, 19-сентябрда Жогорку Кеңеш юстиция министрлик кызматына Марат Жаманкуловдун талапкерлигин жактырган.

Буга чейинки юстиция министри Айнур Абдылдаева 7-августта кызматынан бошотулган.

Марат Жаманкулов 1979-жылы 4-июлда Ысык-Көл облусунун Каракол шаарында төрөлгөн. Ал 2001-жылы "Юриспруденция" адистиги боюнча Кыргыз-Орус славян университетин бүтүргөн. 2014-жылы "Мамлекеттик жана муниципалдык мекемелерде адам ресурстарын башкаруу" адистиги боюнча президентке караштуу мамлекеттик башкаруу академиясын бүтүргөн.

2001-2002-жылдары Юстиция министрлигинин мыйзамдарды даярдоо жана укуктук-ченемдик актылар долбоорлорунун экспертизасы боюнча башкармалыктын эмгек келишими боюнча адиси;

2002-2005-жылдары Юстиция министрлигинин жазык-аткаруу системасын реформалоо жана өнүктүрүү боюнча бөлүмдүн орун басары, бөлүм башчысы;

2005-2009-жылдары Юстиция министрлигинин жазык-аткаруу системасын реформалоо боюнча башкармалыктын башчысы;

2009-2010-жылдары Жаза аткаруунун мамлекеттик кызматынын укуктук камсыздоо жана эл аралык кызматташтыктын башкы башкармалыгынын башчысы;

2010-жылы Өнүктүрүү, инвестициялар жана инновациялар боюнча борбордук агенттигинин эксперттик кызматынын эксперти;

2010-2012-жылдары президенттик аппараттын укуктук камсыздоо бөлүмүнүн эксперти;

2012-2014-жылдары өкмөттүк аппараттын укуктук камсыздоо бөлүмүнүн эксперти;

2014-2015-жылдары өкмөттүк аппараттын укуктук камсыздоо бөлүмүнүн башчысы;

2015-2016-жылдары өкмөттүк аппараттын экспертиза жана укуктук камсыздоо бөлүмүнүн башчысы;

2016-2017-жылдары Жогорку Соттун Конституциялык палатасынын төрагасынын кеңешчиси;

2017-жылдан тарта Конституциялык палатанын аппарат жетекчиси болуп иштеп келген.

Автор: Жылдыз Джускембаева

13:47 20-09-2018

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 252 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 345 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 696 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 637 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 423 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 2361 0

Архив

Талкуу жабык.