Кытайда таштанды тазалоочу 150 миң юань акча таап алып аны ээсине кайтарып, "сүйүнчүдөн" баш тартты

Кытайда көчө тазалаган кызматкер таштанды салуучу челектен таап алган 150 миң юань акчаны ( болжолу 1,4 миллион сом) ээсине кайтарып берип, сүйүнчүсүн алуудан баш тартты. Бул тууралуу жергиликтүү South China Morning Post басылмасы жазды. Ли Ман аттуу тазалык кызматкери Хайнань аралынын Хайкоу аймагындагы көчөлөрдүн биринде тазалоо иштерин жасап жүрүп, эртең менен бир баштык акча таап алган. Табылга оор болгондуктан, Ли Ман кызыгып аны ачып көрүп, 100 юандык банкнотторду көргөн.

"Мен акчанын ээси баштыкты байкоосуздан ыргытып алган деп ойлодум. Ал жоголгон акчасына аябай кабатырланып жатса керек да. Ошол себептен аны ээсине кайтарууну чечтим", - деген кызматкер.

Ал табылганы жакынкы милиция бөлүмүнө алып барган. Укук коргоо кызматкерлери акча менен чогуу салынган дүмүрчөктөрдүн арты менен иликтөө жүргүзө башташкан. Издөө жана акчаны кайтарып берүү иштерине 2 сааттай убакыт корогон. Жыйынтыгында бир баштык акчанын ээси жергиликтүү ишкер болуп чыккан.

Белгилүү болгондой, ишкердин кеңсесин жыйнап-тазалаган кызматкер баштыктын ичинде таштанды бар экен деп ойлоп аны таштанды салган челекке ыргытып салган. Ал эми акчанын ээси аны кайтарып берген таштанды тазалоочуга 20 миң юань (200 миңдей сом) акчаны сыйлык үчүн сунуштаган. Бул акча кызматкердин орточо эсеп менен 1 жылдык айлыгын түзгөн. Бирок ал бул ишти милдети катары баалап, "сүйүнчүнү" алуудан баш тарткан.

Окуя интернет тармактарында желдей тарап, Ли Манды "асыл киши" деп атап алышкан. Муну менен катар анын айлык акысына кызыгышкан. Анын чакан аймакта алган айлык акысы жылына 45,5 миң юандан (440,5 миң сом) айланарын эсептеп чыгышкан.

Автор: Гүлжан Асанкожоева

20:38 04-10-2018

Жазылуу

РУБРИКАДАГЫ СОҢКУ КАБАРЛАР

18:52 2025-05-06 | Саясат

Садыр Жапаров Ала-Арча паркында эл менен жолукту (видео) 1704 0

18:32 2025-05-06 | Коом жана турмуш

Бүгүн кечинде Бишкектин айрым көчөлөрү жабылат. Себеби 861 0

18:13 2025-05-06 | Коом жана турмуш

7-майда Жибек Жолу проспектинин жабылган бөлүгү ачылат 651 0

18:06 2025-05-06 | Кылмыштар, кырсыктар

Гүлчө дарыясына агып кеткен кыздын сөөгү табылды 1660 0

17:25 2025-05-06 | Коом жана турмуш

Чүйдө мыйзамсыз соода-сатыкка каршы рейд жүрүүдө (видео) 726 0

16:58 2025-05-06 | Коом жана турмуш

"Бир күн менен жашабайлы". Жол тескөөчүлөр бекеттерде түшүндүрүү иштерин жүргүзүшүүдө 759 0

Архив

Комментарийлер (6)

Pirimkul

2018-10-04 21:44:21

Даа а бизде болгондо кандай болмок ? Кайтарып бермекпи же.....?

monster_high_98

2018-10-04 22:39:20

Бироонун нерсеси буйрубайт дегенди жакшы билген,адамгерчиликтуу адам экен,мындай адамдар азчылык,"жакшы"адаммын дегендер деле акча таап алса Кудай мага берди окшойт деп озуно алышат.Бали коп жашасын!Али коооп жакшылык кылат го

Merelisha

2018-10-04 22:47:28

Бизге эле салыштыра бербегилечи. Балким башка кытай таап алганда "сызып" иймек.

-1

qwert12345

2018-10-04 22:59:22

кытайдын көчөлөрүндө видео камералар көпта аны ал билген да баарибир мени таап алат деп

-2

Suzak12

2018-10-05 00:50:57

Бизде мындай болгон Ошто кайсыл жер экенин билбейм бирок 10 жылдан отуп калды бир ишкер акчасын подездин алдына тушуруп койот аны самса саткан бала таап алып миллицияларга алып барып берсе алар оздору ич ара болушуп алатда ишкерге эч нерсе бербейт ошол убакта 10 000 доллар эле.Так что бизде мындай нерсе кайтарылбайт 90%

Ayida

2018-10-05 11:38:18

Суйунчу берсе алыш керек Аллах ушундай себептер мн берет озу келип ме акча дебейт

-1

Комментарий калтыруу үчүн өз ысымыңыз менен кириңиз же каттоодон өтүңүз.