Казакстандын Алматы шаарынын мурдагы мэри 17 жылга, жубайы 14 жылга эркинен ажыратылды

Алматы шаарынын райондор аралык соту мурдагы шаар башчысы Виктор Храпуновго жана анын жубайы Лейла Храпуновага козголгон кылмыш иштери боюнча чечим чыгарды. Бул тууралуу жергиликтүү басылмалар жазып чыгышты.

Белгилүү болгондой, 8-октябрь күнү сот Виктор Храпуновду 17 жылга эркинен ажыратып, мүлкүн конфискациялоо жана мамлекеттик кызматтарды ээлөө укугунан ажыратуу тууралуу чечимин чыгарган. Ага "кылмыштуу топту түзүү жана аны башкарып, бир же бир нече кылмыштарды жасоо", "ишенип берилген мүлктү коротуу жана менчиктеп алуу", "Көз боёмочулук", "мыйзамсыз жол менен табылган акча каражаттарды легалдаштыруу", "кызмат ордун кыянаттык менен пайдалануу", "пара алуу" беренелери боюнча кылмыш иши козголуп, күнөөлүү деп табылган.

Ал эми анын жубайын Лейла Храпунованы сот 14 жылга эркинен ажыратып, мамлекеттик кызматтарды ээлөө укугунан ажыраткан. Ошондой эле мүлкүн конфискациялоо тууралуу чечим чыгарган. Буга катар Храпуновдордун күйөө баласы 5 жылга эркинен ажыратылган.

Храпуновдордун үй-бүлөсү мамлекетке келтирген чыгымдын көлөмү 250 миллион доллардан ашат. Күнөөлүү деп табылгандар издөөдө жүргөндүгүнө байланыштуу сот аларды сырттан соттогон.
Акыркы маалыматтарга ылайык, Харпуновдордун үй-бүлөсү азыркы тапта Швейцарияда жашайт.

Автор: Айзада Тураркулова

18:58 08-10-2018

Жазылуу

РУБРИКАДАГЫ СОҢКУ КАБАРЛАР

18:52 2025-05-06 | Саясат

Садыр Жапаров Ала-Арча паркында эл менен жолукту (видео) 1635 0

18:32 2025-05-06 | Коом жана турмуш

Бүгүн кечинде Бишкектин айрым көчөлөрү жабылат. Себеби 821 0

18:13 2025-05-06 | Коом жана турмуш

7-майда Жибек Жолу проспектинин жабылган бөлүгү ачылат 604 0

18:06 2025-05-06 | Кылмыштар, кырсыктар

Гүлчө дарыясына агып кеткен кыздын сөөгү табылды 1584 0

17:25 2025-05-06 | Коом жана турмуш

Чүйдө мыйзамсыз соода-сатыкка каршы рейд жүрүүдө (видео) 685 0

16:58 2025-05-06 | Коом жана турмуш

"Бир күн менен жашабайлы". Жол тескөөчүлөр бекеттерде түшүндүрүү иштерин жүргүзүшүүдө 727 0

Архив

Комментарийлер (2)

rysik79

2018-10-08 19:16:47

Сырттан кескени биздин бакиевтерди, шадиев менен акаевтерди кескендей эле соз экен да. Темасын окуп алып чын камаган экен десе жомок турбайбы.

titanik32

2018-10-09 00:40:07

Чоң адамдар бар жерде чоң акча роль ойнойт,буларды өз жеринде жүргөндө соттобойт,атайын качырып жиберип (качып кетиптир кылып)анан артынан соттомуш болуп калышат чоң суммадакы акчасын алып калып.Бул да болсо чоң бизнес.Көрүп эле жүрөбүз го,арабызда эле болуп жатат андай иштер.Ким экенин кимге тиешелүү экенин өзүңөр билесиңер.

Комментарий калтыруу үчүн өз ысымыңыз менен кириңиз же каттоодон өтүңүз.