Казакстандан космоско учкан кеме кырсыкка учурады

Космоско учкан кеме кырсыкка учурады. Бул тууралуу орусиялык басылмалар жазып чыгышты.

Маалыматка ылайык, Казакстандагы "Байконур" космодромунан учурулган "Союз" кемеси кырсыктап, учкучтар кайра кайтууга аргасыз болушкан.

"Кеме 11-октябрда саат 11:40та учкан. Бирок анын кыймылдаткычтарынын бири жарактан чыккан. Кеменин ичинде орусиялык космонавт Алексей Овчинин жана НАСАнын астронавты Ник Хейг болгон. Алар куткаруучу капсула менен Казакстандын аймагына түшкөн", - деп жазылат маалыматта.

Ал эми "Роскосмос" азыркы тапта бардык "Союз" кемелери текшерилип жаткандыгын билдирген.

Автор: Айзада Тураркулова