Депутат Сурабалдиева: "Былтыр өлкөгө ар биринин орточо баасы 33 доллар турган 2 миллионго жакын телефон кирген"

КСДП фракциясынан депутат Эльвира Сурабалдиева өлкөгө келип жаткан телефондор менен Казакстанга келген телефондордун баасынын айырмачылыгына кызыкты. Бул тууралуу ал кечээ, 18-октябрда Жогорку Кеңештин жыйынында айтып чыкты.

Сурабалдиева Кыргыз өлкөсүнө 2017-жылы 1 миллион 923 258 уюлдук телефон киргенин айтты.

"2017-жылы Кыргыз мамлекетине 1 миллион 923 258 уюлдук телефон кириптир, ар бир телефондун орточо баасы 33 долларды түзүп жатат. Ошол эле мезгилде Казакстанга 3 миллион 414 миң даана телефон кирип, ар бир телефондун орточо баасы 25 доллардан айланыптыр. Эмнеге мындай абал жаралды? Бир эле телефон эки өлкөгө эки башка баа менен кирүүдө. Казакстандын бажы кызматкерлери биздикине караганда жакшы иштейби? Бул биздин өлкөбүздүн бюджетине кандай карай турганыбызды далилдей турган бирден бир көрүнүш болуп жатат. Балким, сиздер бажы төлөмдөрүн аныктоо методун жакшы билбей жатасыздар. Эки өлкө тең Евразия экономикалык союзуна мүчө да, неге баалар башкача?" - деди Сурабалдиева.

Бажы кызматынын башчысы Алмаз Оңолбеков эки өлкөнүн товар жеткирүүлөрүн салыштырууга болбой турганын айтты.

"Кыргыз мамлекетинин Бажы кызматы биринчи аныкталган бажы төлөмдөрү менен иш жүргүзөт", - деди Оңолбеков.

Ошондой эле депутат Бажы кызматынын башчысына "iPhone" телефону 33 доллар турат" дегенге ишене турганын же ишенбей турганын сурады.

Оңолбеков депутаттын берген суроосу туура берилгенин жана өзүнчө тартипте жооп берерин билдирди.

Автор: Бекболсун Молдояр уулу

15:52 19-10-2018

Жазылуу

РУБРИКАДАГЫ СОҢКУ КАБАРЛАР

10:04 2025-06-30 | Коом жана турмуш

1-июлдан тарта айдоочулардын камсыздандыруу полиси текшериле баштайт 5 0

10:01 2025-06-30 | Коом жана турмуш

Ошто каналдын жээктерин курулуштардан тазалоо иштери кызуу жүрүп жатат (видео) 35 0

09:50 2025-06-30 | Түркүн дүйнө

Индияда фестиваль маалында чыккан дүрбөлөңдөн 3 адам каза болду 70 0

09:47 2025-06-30 | Кылмыштар, кырсыктар

Соңку суткада өлкөдө 40 өрт кырсыгы катталды 39 0

09:39 2025-06-30 | Саясат

Төрага Тургунбек уулу ЕККУнун Парламенттик ассамблеясынын жыйынына катышат 81 0

09:33 2025-06-30 | Түркүн дүйнө

Измирде ири өрт чыгып, тургундар эвакуацияланууда 253 0

Архив

Комментарийлер (1)

Rifle_I

2018-10-20 11:31:35

Депутаттар качан чукуланганды коюп иштейсиңер ?
Тил менен сайрап койбой , конкреттүү иш алып барыш керек. Узбекистан млр$ инвестиция тартып кирди. АЭС куруп баштаптыр, ютуптан көрдүм. Биздин жепдутарлар кеткилечи, уялам сидерден.

Комментарий калтыруу үчүн өз ысымыңыз менен кириңиз же каттоодон өтүңүз.