“Манас” аэропортунда 2 миң адамга ылайыкталган мечит курулат

“Манас” эл аралык аэропортунун аймагында курула турган мечиттин ордунда комплекстүү инженердик изилдөөлөр жүргүзүлдү. Бул тууралуу Курулуш, архитектура жана турак жай-коммуналдык чарба министрлиги билдирди.

Маалыматка ылайык, адистер курулуш аянтчасынын геологиялык шарттарын жана топурактын өзгөчөлүктөрүн аныктоо үчүн 22 метр тереңдикке чейин бургулоо иштерин жүргүзүшкөн. Ошондой эле топурактын физикалык-механикалык касиеттери жана көтөрүмдүүлүгү динамикалык зонддоо аркылуу бааланган.

Долбоорго ылайык, мечиттин жалпы аянты 1 миң 500 чарчы метрди түзүп, бир учурда болжол менен 2 миң адамды кабыл алууга ылайыкталат.

Жүргүзүлгөн изилдөөлөрдүн жыйынтыгы мечитти долбоорлоо жана куруу үчүн зарыл болгон маалыматтарды алууга негиз болот.

Автор: Айзада Кыдырмышева

20:57 28-10-2026

Жазылуу

РУБРИКАДАГЫ СОҢКУ КАБАРЛАР

22:10 2026-10-28 | Коом жана турмуш

Бишкекте 23-28 кабаттуу турак жай комплекстеринин курулушу текшерилди 118 0

21:31 2026-10-28 | Спорт

Гарри Кейн: Академиялардан четтетилген баладан "Алтын топтун" ээсине чейин 260 0

20:57 2026-10-28 | Коом жана турмуш

“Манас” аэропортунда 2 миң адамга ылайыкталган мечит курулат 257 1

20:45 2026-10-28 | Коом жана турмуш

Ошто Жаңы-Маала конушунун тургундарын документтештирүү маселеси талкууланды 243 0

20:21 2026-10-28 | Спорт

Грек-рим күрөшү боюнча балбандар мекенине кайтып келишти 396 0

19:19 2026-10-28 | Коом жана турмуш

Ошто К. Абдыразаков көчөсүндөгү мыйзамсыз курулуш токтотулду 329 0

Архив

Комментарийлер (1)

nyrbekali87

2026-10-28 22:19:00

Ажырашууну, жалгыздыкты эркиндик деп мактап кыргыздарды келечекте тукумсуз калтыруу пропагандасы жүрүп жатканда, мечиттерден ушул сыяктуу арам пландар айтылып турса жакшы болмок.

Комментарий калтыруу үчүн өз ысымыңыз менен кириңиз же каттоодон өтүңүз.