Президенттик аппараттын мурдагы бөлүм башчысы Нурсулу Ахметованын ордуна Данияр Иманалиев дайындалды (өмүр баяны)

Данияр Иманалиев президенттик аппараттын стратегиялык өнүктүрүү, экономика жана финансы саясаты бөлүмүнүн башчысы болуп дайындалды. Бул тууралуу бүгүн, 23-октябрда президенттик аппараттын басма сөз кызматы билдирди.

Маалыматка ылайык, тийиштүү жарлыкка президент Сооронбай Жээнбеков кол койду.

Аталган кызматта буга чейин Нурсулу Ахметова иштеп келген. Ал башка ишке өткөндүгүнө байланыштуу ээлеген кызматынан 19-октябрда бошотулган.

Данияр Иманалиевдин өмүр баяны

Ал 1980-жылдын 21-апрелинде Бишкек шаарында туулган. 2003-жылы Кыргыз мамлекеттик курулуш, транспорт жана архитектура университетин ишканалардын экономикасы адистиги боюнча аяктаган.

2004-жылы өкмөткө караштуу Илим жана интеллектуалдык менчик боюнча мамлекеттик агенттигинин адиси;

2004-2006-жылдары Ж.Баласагын атындагы Кыргыз улуттук университетинин жаштар иши боюнча комитетинин координатору;

2006-жылы Каржы министрлигинин бюджеттик саясатты башкаруунун орто мөөнөттүү болжолдоо бөлүмүнүн башкы адиси;

2007-жылы Каржы министрлигинин саясатты иштеп чыгуу тобунун бюджеттик маселелер боюнча эксперти;

2009-жылы Каржы министрлигинин тышкы байланыштар башкармалыгынын сектор башчысы;

2009-2010-жылдары Борбордук өнүктүрүү, инвестициялар жана инновациялар агенттиги, бюджеттик кызматынын эксперти;

2012-2014-жылдары өкмөттүк аппараттын аймактык өнүктүрүү, транспорт, курулуш жана коммуникациялар бөлүмүнүн эксперти;

2014-жылы өкмөттүк аппараттын экономика жана инвестициялар бөлүмүнүн эксперти;

2014-2015-жылдары аталган бөлүмдүн сектор башчысы;

2015-2018-жылдары экономика министринин орун басары;

2018-жылдын май айынан тарта өкмөттүк аппараттын экономика жана инвестициялар бөлүмүнүн башчысы болуп эмгектенип келген.

18:04 23-10-2018

Автор: Жылдыз Джускембаева

Жазылуу

РУБРИКАДАГЫ СОҢКУ КАБАРЛАР

20:05 2024-05-04 | Коом жана турмуш

Бишкектен Ошко учкан учак авариялык жагдайдан улам кайра конду 2177 0

19:39 2024-05-04 | Коом жана турмуш

Чүйдө жол жээгиндеги баш аламан соода-сатыктар иретке келтирилүүдө 635 0

18:09 2024-05-04 | Коом жана турмуш

ИИМдин кызматкерлери Чолпон-Атада өткөн эл аралык марафонго катышты 397 0

17:48 2024-05-04 | Коом жана турмуш

Сузак окуясы боюнча милиция жетекчилери кызматтан алынды 1792 0

17:25 2024-05-04 | Коом жана турмуш

Самат Эркинбеков: "Аялды муштум менен эмес, акыл менен деле башкарса болот" 1048 0

15:55 2024-05-04 | Коом жана турмуш

Өлкөдө канча соода борбору бар экени белгилүү болду 1238 0

Архив

Талкуу жабык.