КСДПнын кезектеги съездинин мөөнөтү такталды

"Кыргызстан социал-демократтар партиясынын" (КСДП) кезектеги съезди 2019-жылдын 6-апрелине белгиленди. Мындай чечимди КСДПнын саясий кеңеши 31-октябрдагы жыйынында кабыл алды.

Маалыматка караганда, съездди уюштуруу иштерине партия лидери, экс-президент Алмазбек Атамбаев жетекчилик кылат.

"Уюштуруу комитети, съездге катышуучу Жогорку Кеңештин депутаттары менен партиянын мүчөлөрү аныкталды", - деп айтылат КСДПнын маалыматында.

КСДПнын бүгүнкү жыйынында бир топ маселелер каралып, Иса Өмүркулов партиядан чыгарылды.

Автор: Бектур Токтоноев