"Xiaomi" компаниясы унитаз үчүн иштелип чыккан "акылдуу" капкактарды сатыкка койду

"Xiaomi" компаниясы унитаздар үчүн иштелип чыккан акылдуу капкактарды сатыкка койду. Бул тууралуу компаниянын расмий сайтында жазылат.

Маалыматка караганда, компания сунуштаган унитаздардын капкагын үн аркылуу башкарганга болот. Аталган жабдык "Hangzhou Electronic Technology" фирмасы менен биргеликте иштелип чыккан. Унитаздын капкагына Xiao Ai программасы орнотулган. Ал унитаздын ээсинин үнүн таанып, анын айткан буйруктарын аткарат.

Ошондой эле капкактын жардамы менен унитазды алыста жүрүп деле "Xiaomi" компаниясына таандык смартфон, гаджет, Mi Band билериги аркылуу башкарса болот.

Унитаздын баасы 190 долларды түзөт.

Автор: Айзада Тураркулова