"Куугунтукка кабылган мусулмандарды коргой алган жок" деген жүйө менен Мьянманын лидери эң жогорку сыйлыгынан ажыратылды

"Amnesty International" эл аралык укук коргоо уюму Мьянманын мамлекеттик кеңешчиси Аун Сан Су Чжини өзүнүн эң жогорку даражадагы сыйлыгынан ажыратты. Бул тууралуу аталган уюмдун расмий сайтында жарыяланганын чет элдик маалымат булактары жазышты.

Маалыматка ылайык, "Абийир элчиси" аттуу сыйлыгынан Су Чжи Мьянмада куугунтукка кабылган рохинжа мусулмандарын коргой албагандыгы үчүн ажыратылган. Amnesty International'дын башкы катчысы Куми Найду "Су Чжи өзүнүн саясий жана моралдык күчүн колдоно алган жок" деп айткан.

"Аун Сан Су Чжинин администрациясы рохинжа мусулмандарына карата Мьянманын армиясынын жек көрүүсүн ойготту, аларды тукум-курут кылып жатышат деген айыптоолорго каршы туруп, эл аралык иликтөөлөрдү жүргүзүүгө тоскоолдук жаратты", - деп жазган аталган уюм.

Аун Сан Су Чжи "Абийир элчиси" аттуу сыйлыгын 2009-жылы алган. Ал 2016-жылы Мьянманын мамлекеттик кеңешчиси кызматына келген, муну менен ал өлкөнү дээрлик башкарып турат. Ал рохинжа мусулмандарын коргой албагандыгы үчүн сынга кабылып, анын айынан ушул жылдын башында "Канаданын ардактуу атуулу" наамынан кол жууган.

Окуя тууралуу:

Саясий кризиске алып келген Ракхайн штатындагы окуялар өткөн жылдын август айынын соңунда полиция бөлүмүнө болгон чабуулдан кийин башталган. Анда 12 укук коргоо органынын кызматкерлери каза болгон. Бийлик буга "Рохинжаны куткаруу армиясы" куралдуу тобун күнөөлөгөн. Рохинжа мусулмандары алардын укуктары чектелип, аларга жарандык берилбей жатканын айтышкан. Мьянма бийлиги алардын көпчүлүгү Бангладештен келген иммигранттар деп айтышкан.

Ракхайн штатында миңдеген рохинжа мусулмандары коопсуздук күчтөрүнүн операциялары жүрүп жатканда каза таап, 700 миңден ашууну коңшулаш Бангладешке качууга аргасыз болгон. Бириккен Улуттар Уюму басымдуу бөлүгүн буддисттер түзгөн Мьянманын армиясынын мусулман азчылыкка жасаган мамилесин "бир улутка кыргын салуу" аракети катары баалаган. Бирок Мьянманын бийлиги аскердик операцияларга согушкерлер тобунун чабуулу себеп болгонун билдирген.

18:03 13-11-2018

Автор: Кызжибек Раимова

Жазылуу

РУБРИКАДАГЫ СОҢКУ КАБАРЛАР

15:55 2024-05-15 | Коом жана турмуш

Сирия менен Ирактан 517 кыргызстандык мекенине кайтарылды 32 0

15:50 2024-05-15 | Коом жана турмуш

Бейшеналиев бүгүн Тамчы айылындагы Тез жардам пунктун ачты 50 0

15:35 2024-05-15 | Маданият, шоу-бизнес

Блогер Канат Шабданбековдун үйлөнүү үлпөт тою болду (видео) 228 0

15:24 2024-05-15 | Коом жана турмуш

Жамгыр нөшөрлөп жаайт. ӨКМнын аба ырайы боюнча билдирүүсү 442 0

15:22 2024-05-15 | Кылмыштар, кырсыктар

Ошто такси менен кетип бара жаткан чет өлкөлүк кыз каза болду 490 0

15:20 2024-05-15 | Кылмыштар, кырсыктар

"Иракта даярдыктан өткөн". УКМК террордук уюмдун согушкерин кармады 193 0

Архив

Комментарийлер (2)

Tolkun555

2018-11-13 18:14:07

Эн туура Аллах куноолуулордун жазасын озу берсин.

admin_superstan

2018-11-14 10:14:23

Mirlan27011987,
Такталбаган маалыматтарды жазууга тыюу салынат!

murat17, baihan07kenjetaev, dastan.bujun,
Жеке айтышуулар үчүн купуя кат бар! Эскертүү!

Комментарий калтыруу үчүн өз ысымыңыз менен кириңиз же каттоодон өтүңүз.