ЖЫЛНААМА, 22-НОЯБРЬ: Жогорку Кеңештин эң жаш депутаты Айсулуу Мамашова 30 жашка толду

Жогорку Кеңештин VI чакырылышындагы эң жаш депутат Айсулуу Мамашова 30 жашка толду. Ал 1988-жылдын 22-ноябрында Бишкек шаарында туулган.

Ал 2008-жылы Жусуп Баласагын атындагы Кыргыз улуттук университетинин Эл аралык билим берүү программаларынын интеграциялоо инстутунун Кыргыз-Европа факультетин "Экономика жана башкаруу" адистиги боюнча бүтүргөн. Андан кийин "Ишкердик башкаруу" адистигине ээ болуп, 2010-жылы магистр квалификациясын алган.

17 жашында "Автоучкомбинат" ЖЧКсынын башкы директору болуп эмгектенген. 2009-жылдан тартып "Фирма Дасмия" ЖЧКсынын президенти болгон.

2015-жылы "Ата Мекен" социалисттик партиясынын тизмеси менен VI чакырылыштагы Кыргыз Республикасынын Жогорку Кеңешинин депутаты болуп шайланган. Жогорку Кеңештин Экономикалык жана фискалдык саясаты боюнча комитетинин мүчөсү. 2016-жылы турмушка чыккан. Бир кыздын энеси.

22-ноябрга карата жылнаама.

Автор: Айпери Ганыжан кызы