АКШда кулагы укпаган адамга териси аркылуу музыка угууга мүмкүнчүлүк берген жабдык пайда болду

АКШлык Not Impossible labs стартаптын адистери тери аркылуу ар кандай добуштарды жана музыканы угууга мүмкүнчүлүк берген жабдыктарды көрсөтүштү. Бул тууралуу чет элдик маалымат каражаттары жазып чыкты.

Маалыматка таянсак, адистер адам териси музыканы кабыл алууга жөндөмдүү экенин аныкташкан. Эгерде адамдын билегине атайын билериктерди тагып аны артына бекитилген жабдыкка туташтырса үндөрдү угууга мүмкүн болот.

Атайын жабдыктын жардамы менен кулагы укпаган жана сүйлөй албаган адамдар добуштарды сезип, музыканы кабыл ала алат. Адистер аталган жабдыкты кулагы уккан жана музыканы сүйгөн адамдарга деле жаңы сезимдерди сезип көрүү үчүн сунушташат.