Жанар Акаев: "Коопсуз шаар" февралга чейин ишке ашып баштабаса, кол койгон жооптуулардын отставкасын талап кылабыз"

"Коопсуз шаар" февралга чейин ишке ашпаса, кол койгон жооптуулардын отставкасын талап кылабыз". Мындай пикирин депутат Жанар Акаев парламент жыйынында "Коопсуз шаар" долбоору боюнча өкмөт маалымат берип жатканда айтты.

Эл өкүлү биринчи вице-премьер-министр Кубатбек Боронов аталган долбоорго көп убакыт бөлүш керек дейт.

Бороновдун айтымында, "Коопсуз шаар" долбоору боюнча 2019-жылдын февралына чейин жабдуулар коюла баштайт.

Акаев: "Эгер февралда баштабаса, жоопкерчиликти ким алат?"

Боронов: "Келишимде көрсөтүлгөндөй иш алып барабыз. Келишимге жооп бере турган адамдар кол койгон".

Акаев: "Эгер ишке ашпаса, кол койгондордун отставкасын талап кылабыз. "Коопсуз шаарды" ишке ашырууда болушунча сизге убакыт бериш керек. Бул өкмөттүн эң чоң долбоору болуп калат. Мына Тажикстан 6 айда ишке ашырды".

Автор: Бектур Токтоноев