Бүгүн, 29-ноябрда Жогорку Кеңештин жыйынында депутат Тазабек Икрамов "Кыргыз темир жолу” мамлекеттик ишканасынын директорунун биринчи орун басары Алымжан Хасанов Казакстандын жараны экенин айтып чыкты.“Кыргыз темир жолу” мамлекеттик ишканасы - стратегиялык объект. Ошондуктан башка өлкөнүн жаранын бул кызматка ким койсо, жооп берүүсү керек", - деп талап кылды Икрамов.
Ал эми “Кыргыз темир жолу” ишканасы бул маалыматты четке кагып, Алымжан Хасанов Кыргыз мамлекетинин жараны экенин, бирок Казакстанда төрөлүп-өскөнүн, кийин Кыргыз жерине келип, иштеп калганын айтышты.
