Чаткалда ИИМдин кызматкерлерин сабаган 15 жаран убактылуу кармоочу жайга жана СИЗОго киргизилди

Чаткалдагы ИИМдин атайын багыттагы полкунун 3 кызматкерин сабаган 15 жаранга соттун чечими чыкты. Ага ылайык, 6 адам 2 айга убактылуу кармоочу жайга, 9у СИЗОго киргизилди. Мындай маалыматты ИИМдин басма сөз кызматынан билдирди.

Белгилүү болгондой, бүгүн, 4-декабрда Жалал-Абад шаардык соту кармалгандардын баш коргоо чарасын карап чыккан. Учурда Чаткал районунда абал туруктуу. Жергиликтүү органдар калк арасында түшүндүрүү иштерин жүргүзүп жаткандыгы жазылат маалыматта.

Окуянын чоо-жайы:

Жалал-Абад облусуна караштуу Чаткал районунун Терек-Сай айылында 5-ноябрда кенге байланыштуу нааразычылык жаралып, “Шумкар” атайын багыттагы полкунун 3 кызматкери “Эти Бакыр Терек-Сай” алтын кен иштетүүчү аймакта кызматын өтөө учурунда жабыркаган. Анда жергиликтүү тургундардын бири кайтарылган ишкананын аймагына кирип кеткен. Тургун ишкананын аймагынан чыгарылып, бирок арадан көп убакыт өтпөй 10дон ашуун айылдашын ээрчитип келип уруш чыгарышкан. ИИМдин билдирген маалыматына таянсак, жергиликтүү тургундар 3 кызматкерди таш бараңга алып, алар ар түрдүү жаракаттарды алышкан. Бул факт боюнча Кылмыш-жаза кодексинин 234-берене (бейбаштык) жана 341-берене (бийлик өкүлүнө карата зомбулук көрсөтүү) менен кылмыш иштери козголгон. 2-декабрда окуяга катыштыгы бар Терек-Сай айылынын 14 тургуну суракка алынып, Жазык-процесстик кодексинин 94-беренесинин негизинде 48 саатка камакка алынган. Акыркы маалыматтар боюнча, кармалгандардын катарына дагы бир жаран кошулуп, жалпы 15 адам камакта турушат. Кен иштеткен түрк фирмасынын иштешине каршы митинг 2-декабрда башталган.

Терек-Сайда кайтаруу кызматынын өкүлдөрүнө жергиликтүү эл кол салды

Автор: Бактыгүл Момбекова

07:36 05-12-2018

Жазылуу

РУБРИКАДАГЫ СОҢКУ КАБАРЛАР

23:41 2025-06-26 | Саясат

“Ыкчам-иликтөө ишмердиги жөнүндө” мыйзамга кол коюлду 256 0

23:28 2025-06-26 | Түркүн дүйнө

Куба президенти ЕАЭБ өлкөлөрүнүн товарлары үчүн аралда логистикалык борбор түзүүнү сунуштады 285 0

23:19 2025-06-26 | Саясат

Жапаров IV Евразия экономикалык форумунун пленардык сессиясында сөз сүйлөдү 247 0

22:26 2025-06-26 | Коом жана турмуш

27-июнга карата аба ырайы 356 0

22:11 2025-06-26 | Коом жана турмуш

Блог: Мен көргөн Анталья: күн, деңиз, тарых жана сезимдер 1809 0

21:36 2025-06-26 | Түркүн дүйнө

Түндүк Корея “дүйнөлүк деңгээлдеги” курорттун курулушун аяктады 1338 0

Архив

Комментарийлер (5)

CEO1

2018-12-04 23:35:18

Менден суроо. Милицияларга туркторду, кытайларды кайтарсын деп маяна толоп беребизби?!!

Ал шумкарчы 3 милиция эмнеге ал жерде кызмат кылып, эмнеге ал жерди коруп отурат?!!

Милиция дегенин ууру-каракчы, педофилдерли кармап, маянасын актап жесе болбойбу?!!

Ким бироо тушундуруп берсинчи мага, ал алтын кени мамлекеттик маанилуу обьект болбогондон кийин, ал милициялардын ал аймакты кайтарууга алганы канчалык мыйзамдуу?!! !

CEO1

2018-12-04 23:59:31

Экинчиден, милиция кызматкерлерине жергиликтуу жаранга кол которуу укугун ким берди?!! Эгер кайсы бир жаран кайтарууда болгон аймакка кирип кетсе, аны кармап алып токмоктоо керекпи?! Тем более милициялар?!!

Токмок жеген жаран албетте жаны ачышат да...

Эмнеге ошол милициялардын иши териштирилбейт?! Же милиция болсо Кудай бекен?! Милиция болсо эле милицияга кол которууго болбойт бекен?!!

Милиция 2005, 2010-жж. Таласта, Бишкекте элден токмок жеп калып кетпед

Matahara1980

2018-12-05 01:32:27

CEO1,сен коп биякта какшанбай
ошол милицияларга барып бетине айтпайсынбы кудайсынарбы деп, дубинка жеп келет элен)
Калп деле инфодо баатыр боло бербей,

-3

omurbek1990

2018-12-05 08:45:23

Matahara1980,++++++++

-4

CEO1

2018-12-05 10:35:45

Matahara1980, эгер мен Чаткалла болгонумда митингге катышып айтат эле болчумун!!!

Сенин ордунда болгонумда Сокенин камчысын чапкыча асынып алмакмын.....

-1

Комментарий калтыруу үчүн өз ысымыңыз менен кириңиз же каттоодон өтүңүз.