Каржы министри Адылбек Касымалиев кызматынан бошотулду (өмүр баяны)

Адылбек Касымалиев каржы министри кызматынан бошотулду. Бул тууралуу президенттик аппараттан таратышты.

Маалыматка караганда, президент Сооронбай Жээнбеков Касымалиевдин отставкасын кабыл алып, аны кызматтан алуу боюнча жарлыкка кол койгон.

Касымалиев 2015-жылдан бери аталган кызматта иштеп келген.

Адылбек Касымалиев 1960-жылдын 1-декабрында Ысык-Көл облусундагы Түп районунун Долон айылында туулган. Ал 1984-жылы Ленинград финансы-экономикалык институтун экономист адистиги боюнча аяктаган.

1984-1988-жылдары - Кыргыз ССРинин Экономика институтунун кенже илимий кызматкери;

1988-1990-жылдары - Жол-курулуш батальону финансылык кызматынын башчысы;

1990-1994-жылдары - Бишкек шаарынын Октябрь району боюнча мамлекеттик салык инспекциясынын башчысынын орун басары;

1994-1996-жылдары - Каржы министрлигине караштуу Мамлекеттик салык инспекциясы бөлүмүнүн башчысы, башкармалыктын башчысынын орун басары;

1996-2002-жылдары - министрлигинин башкармалыгынын башчысынын орун басары;

2002-жылы - Социалдык фонддун төрагасынын орун басары;

2002-2005-жылдары - Каржы министрлигине караштуу Кирешелер боюнча комитеттин төрагасынын биринчи орун басары;

2007-2009-жылдары - Салыктар жана жыйымдар боюнча мамлекеттик комитеттин төрагасынын орун басары;

2009-2010-жылдары - Мамлекеттик салык кызматынын төрагасынын орун басары;

2010-2011-жылдары - Мамлекеттик салык кызматынын төрагасы;

2011-2012-жылдары - экономикалык жөнгө салуу министринин орун басары;

2012-жылы - экономика жана монополияга каршы саясат министринин орун басары;