Сүйүүгө кабылган кытайлык жигит үйүн жана жумушун таштап, 3 айдан бери китеп саткан дүкөндө жашоодо

Пекиндин жашоочусу үйүн жана жумушун таштап, китеп саткан дүкөндө 3 айдан бери күнүн өткөрүүдө. Анткени ал ушул жылдын сентябрь айында дал ушул дүкөндөн бейтааныш кызды бир көрүп сүйүп калган. Мындай маалыматты чет элдик маалымат булактары жазууда.

Анда жазылгандай, 25 жаштагы кытай жигит сентябрь айынын аягында китеп саткан дүкөндөн сулуу кызды көрүп калып, жанына бара албай калган. Анткени анын жанында өзүнүн сүйлөшкөн кызы болгон. "Сүйлөшкөн кызыма бул нерсе жакпайт болчу. Анын сезимдерин сыйлап, башка бейтааныш кызга барып тааныша албай койгом. Ошол саналуу секунддарда бейтааныш кыз экөөбүздүн көздөрүбүз чагылыша түштү. Экөөбүздүн ортобузда түшүнүксүз өзгөчө байланыш болуп кетти. Мен аны бир көрүп сүйүп калып, ошол бойдон оюмдан кетпей жатат", - деген жигит жергиликтүү телеканалдардын бирине.

Дал ошол күндөн тартып бир мүнөт да ал кызды оюнан чыгара албай калган жигит саат 11:00дө дүкөн ачылгандан баштап 19:00дөгү жабылуу убактысына чейин ошол аймакты күзөтүп жүрүп калган. Ошондой эле жигит кыздын сүрөтүн болжол менен колго тартып, дүкөнгө келгендин баарына таратып чыккан.

Жигит учурда жумушка да барбай дүкөндү акмалап жүргөндүктөн, жашоо үчүн акчаны туугандарынан алып жатканын айтат. "Адамдар үй-бүлөсүн багуу үчүн акча таап иштешет. Эгер менин үй-бүлөм жок болсо, иштеп акча табуунун кандай кажети бар" деген ойдо ал. Ал бейтааныш кызды тапса эле үй-бүлө куруп, анан акылын токтотуп иштөөнү ойлонот.

"World of Buzz" порталы жигит жөнүндө төмөнкүдөй маалыматтарды жазат: "Кызды издеп жаткан жигит сотко дагы кайрылган. Ал бейтааныш кызды мени эмоционалдык азап тартууга жеткирди деген жүйө менен сотко берген. Сот арыз ээсинин доосун канааттандырса, укук коргоо органдары кызды издөөгө алышмак. Ушундай жол менен жигит кызга жолугууну көздөгөн. Бирок сот анын арызын карабай койгон", - деп жазат портал.

12:08 13-12-2018

Автор: Гүлжан Асанкожоева

Жазылуу

РУБРИКАДАГЫ СОҢКУ КАБАРЛАР

22:42 2024-05-16 | Коом жана турмуш

"Чындык үчүн күрөшөбүз!" Замира Молдошева "кыргызча сүйлөөгө тыюу салды" деген кофекана билдирүү жасады 2507 1

22:21 2024-05-16 | Коом жана турмуш

Италияда окуган 22 жаштагы кыргыз кызы Алтынай: "Эң башкы максатым - өлкөбүздүн өнүгүүсүнө салым кошуу" (маек) 449 0

21:31 2024-05-16 | Саясат

"Наристе жасалма дем алдыруучу апаратта". Депутат абакта эне 6 айлык наристеси менен отурганын айтты (видео) 574 0

21:01 2024-05-16 | Кылмыштар, кырсыктар

Бишкекте курулуш имаратынан 700 миң сомдук жез уурдалган. Милиция шектүүлөрдү кармады 629 0

20:21 2024-05-16 | Коом жана турмуш

Кеминде күйдүргүгө шектелген жарандын ооруканага түшүшү: Союлган мал эмдөөдөн өткөн 568 0

19:43 2024-05-16 | Түркүн дүйнө

Куандык Бишимбаевдин жактоочусу өкүм боюнча алгачкы жолу үн катты 1435 0

Архив

Комментарийлер (14)

Ali-han

2018-12-13 12:21:00

Жин кирип кеткен окшойт

-1

Asylai88

2018-12-13 12:24:29

Мына сага бир коргон адамды сотко берсе соз жок го. Биздикилер козунчо олтуруп койгон адамды соттой албай журушот.

didu

2018-12-13 12:52:26

басып окутуш керек

Benazir08

2018-12-13 12:58:21

Суйууну ар кандай кылсан болот просто биздин менталитет бар даааа. Катуу суйгон башкача болбойт го.....

XOWO

2018-12-13 13:12:43

Идиотизм

Skarlett-Skarlett

2018-12-13 14:01:00

Болезнь

Baatirbek81

2018-12-13 15:37:24

Обу жок

Krai

2018-12-13 19:08:03

Болушу мумкун чыныгы суйуу

Baku88

2018-12-13 23:06:00

Байкушка кыйын эле болуптур ошончолука барып калса

Antalyamanavgat

2018-12-13 23:37:36

Абсолюттук келесоо го

VIP_

2018-12-14 09:28:44

Ахаха

AykaMer

2018-12-14 10:56:09

Чыныгы сүйүү эмнелерди гана кылдырбайт. Нормальный адамды да ит кылат тура.... Ушул жердеги коммент жазгандарга чыныгы сүйүү каалайм. Ошондо бул баланын акыбалын түшүнөсүңөр.

bekbolot_04

2018-12-14 11:08:56

Туура айтасыз. Аны чын суйуп калгандар гана билет

ekonomist.

2018-12-14 12:12:01

видеонаблюдение жок бекен

Комментарий калтыруу үчүн өз ысымыңыз менен кириңиз же каттоодон өтүңүз.