Бишкектин бир катар аймактарында 5 күнгө чейин жаратылыш газы убактылуу токтотулат

Бишкектин бир катар аймактарында авариялык жана калыбына келтирүү иштерине байланыштуу 5 күнгө чейин жаратылыш газы үзгүлтүккө учурайт. Бул тууралуу "Газпром Кыргызстан" компаниясынын басма сөз кызматынан кабарлашты.

24-28-декабрда Бишкек шаарынын Курманжан датка, Чоң Чүй каналы, Лермонтов, Жибек Жолу көчөлөрүнүн кесилишкен аймагында;

24-26-декабрда Махатма Ганди, Можайский, Манас проспектиси, Васильев көчөлөрүнүн кесилишкен бөлүгүндө;

24-25-декабрда Орто-Сай айылынын Ала-Арча шаарчасында газ берилбейт.

Оңдоо жана калыбына келтирүү иштери жаратылыш газын колдонуучулардын коопсуздугун камсыздоо жана шаймандардын үзгүлтүксүз иштөөсүн жөнгө салуу максатында жүргүзүлүүдө.

Автор: Наргиза Өмүрбек кызы