Тайгада атасы менен аңчылыкка барган 3 жашар бала атасынын өлүмүнөн кийин үйүнө жол таап келген

Орусиянын Хабаровск крайында атасы менен кошо аңчылыкка барган 3 жаштагы бала атасынын өлүмүнөн кийин артка жол таап, аман кайткан. Мындай маалыматты ТАСС басылмасы Кенай айылынын башчылыгына таянып жазды.

Маалыматта белгилүү болгондой, 3 жашар бала атасы кырсыктап каза болгондон кийин кыштын суугунда түн ичинде калк жашаган аймактан алыс, токойдо жалгыз калып калган.

"Жергиликтүү тургун 3 жашар баласын кечинде бала бакчадан алып, андан ары балык уулай турган жерге жол издеп жөнөгөн. Себеби эртеси күнү ал аңчылыкка чыкмак экен. Калк жайгашкан аймактан 3 чакырымдай алыстап кеткенден кийин баласын жол жээгине түшүрүп коюп, карда жүрүүчү унаасы (снегоход) менен дарыянын үстүндөгү музду текшергени барган. Ошол маалда муз жарылып кетип, атасы сууга түшүп кеткен", - деп билдирген айыл башчы.

Кичинекей баланын түшүндүрүп бергенине караганда, атасы суудан "айылга кайт" деп айтканга жетишип калган. Бала карда жүрүүчү унаанын жолу менен артка кайткан. Бирок айыл тарапка эмес, башка жолго түшүп алып, такыр эле киши барбаган жакка адашып кеткен. Ошол түнү Тайгада абанын температурасы -30... -35 градуска чейин төмөндөгөн.

Түн ичинде жалгыз жүргөн баланы, бактыга жараша, токойчу көрүп калып, айылга алып келген. Учурда баланын абалы жакшы, ал дене табы көтөрүлүп, үйүндө дарыланып жатканын жазат басылма. Ал эми муз жарылып сууга түшүп кеткен баланын атасын куткаруучулар издеп жатышат.

09:57 25-12-2018

Автор: Гүлжан Асанкожоева

Жазылуу

РУБРИКАДАГЫ СОҢКУ КАБАРЛАР

17:23 2024-05-16 | Коом жана турмуш

Мурдагы депутат Орозайым Нарматова УКМКга чакырылганын айтты 348 0

17:23 2024-05-16 | Коом жана турмуш

Өлкөгө аткезчилик жол менен кирген 72 миллион сомдук дары-дармектер аныкталды 100 0

17:21 2024-05-16 | Коом жана турмуш

Ошто төрөлгөн үч эм: Эгиздердин атасы милиция кызматкери болуп иштейт 278 0

17:00 2024-05-16 | Коом жана турмуш

"Канча гезит-журнал ушул жерден тарайт". Бишкекте күркө ээлери нааразычылыгын айтышты (видео) 241 0

16:41 2024-05-16 | Түркүн дүйнө

Жүрөк ооруйт! Бразилияда селден качкан жылкы бир нече күн бою сарайдын чатырында турган. Ага президент реакция кылды (видео) 777 0

16:32 2024-05-16 | Кылмыштар, кырсыктар

Ноокен районунун тургунунун үйүнөн мыйзамсыз ок атуучу куралдар табылды 244 0

Архив

Комментарийлер (10)

Pamirlan

2018-12-25 10:06:26

Жакшы наристе аман калыптыр

+16

isarti

2018-12-25 10:53:45

Кудай күнөөсүз наристени сактаптыр. Наристе али периште бойдон эле да.

+15

Batma08

2018-12-25 11:09:40

Эх атасына бооруп оруп жатат кудай ырайым кылсын. Ыйлагым келди окуп алып

+15

Batma08

2018-12-25 11:10:27

Акыркы жолу коруптурда атасын

madina.87

2018-12-25 12:55:39

Ыйладым окуп алып,өтө өкүнүчтүү,3 жашар наристе суукта аман калганына сүйүнөм,атасы байкуш жаны чыгып жатып да баласын ойлоп оо дүйнө узап кетти да аттиң.Биз жүргөн жерде-44°суук азыр.Наристенин өмүрү узун болсун эми

Skarlett-Skarlett

2018-12-25 15:58:47

Ыйлай турган окуя болуптур(((Эхх!Жашоодо ар турдуу нерселерди коросун.

Pandora

2018-12-25 18:32:35

-30да суукка чыдап келгенин (((( Мен эле -12 болсо чыдайбай кетип жатамго.

asdef

2018-12-25 19:38:10

Pandora,Кыргызстандын -12 градусу РФ -30 на барабар

Rama9191

2018-12-25 22:05:22

Байкуш бала, жана балам деп жан тарткан байкуш ата.

Avrora2017

2018-12-28 10:07:38

Айылга Кайт деп байкуш ата олуп баратсада баласына жетишип калыптырда айтып акыркы созун , эх арман дуйнода арман, наристенин аман калганына мин мертебе шугур

Комментарий калтыруу үчүн өз ысымыңыз менен кириңиз же каттоодон өтүңүз.