Орусияга иштегенге кетип эки жылдан бери дайынсыз болуп жаткан Нурлан Бабеков изделүүдө

Орусияга иштегенге кетип, эки жылдан бери дайынсыз болуп жаткан 48 жаштагы Нурлан Бабеков изделүүдө. Бул тууралуу бүгүн, 24-декабрда SUPER.KG порталына анын бир тууган карындашы Назгүл Бабекова билдирди.

Маалыматка ылайык, 1970-жылы Ош шаарында туулган Бабеков Нурлан Абдирайимович 2016-жылдан бери дайынсыз болууда. Акыркы жолу 2015-жылы 24-декабрда байланышка чыккан.

"Агам менен акыркы жолу сүйлөшкөндө ал Санкт-Петербург шаарында иштеп жатканын айткан. Ал Ошко учуп келип, Жаңы жылды чогуу тосмой болгонбуз. Бирок ал ошол бойдон байланышка чыккан жок. Бүгүнкү күнгө чейин кай жакта жүргөнүн, эмне кылып жатканын билбейбиз. Атабыз аны аябай күттү, акыркы күнүнө чейин аны ойлоп, оорудан улам 2016-жылы май айында каза болуп калды. Ага атабыз каза болуп калганы тууралуу кабар жеттиби же жеткен эмеспи ал да белгисиз бойдон калууда. Атамды жерге берерде да аябай күттүк, тилекке каршы, ал келген жок. Учурда апабыз кант диабети менен жабыркайт. Үйүндө жубайы 3 баласы да чыдамсыздык менен күтүп жатышат.

Бизге кабарыңызды билдириңиз, байланышка чыгып коюңуз. Апам, жубайыңыз, балдарыңыз, бир туугандарыңыз сизди чыдамсыздык менен күтүүдө", - дейт карындашы.

Эгер жогорудагы жаранды көргөн же билгендер болсо (0778) 80-82-66, (0778) 87-69-55 телефон номуру аркылуу байланышууну өтүнөт.

Автор: Мальвина Уметбекова
Фото: Назгүл Бабекова

16:22 24-12-2018

Жазылуу

РУБРИКАДАГЫ СОҢКУ КАБАРЛАР

23:51 2025-07-15 | Коом жана турмуш

16-июлга карата аба ырайы 460 0

23:41 2025-07-15 | Коом жана турмуш

Борбордогу Т.Абдымомунов көчөсүнүн бир бөлүгү жабылат 244 0

23:28 2025-07-15 | Түркүн дүйнө

Трамп Украинага Tomahawk ракеталарын жөнөтүүнү пландап жатканы айтылууда 828 0

22:57 2025-07-15 | Коом жана турмуш

Бишкек мэриясынын муниципалдык ишканасы шаарга алгачкы ирет өзү жол чырак орнотту (видео) 511 0

22:48 2025-07-15 | Түркүн дүйнө

Франция 2026-жылдан баштап эң бай жарандарына салыкты күчөтөт 449 0

22:19 2025-07-15 | Түркүн дүйнө

Армения Зангезур коридорун АКШнын көзөмөлүнө өткөрүү тууралуу маалыматты четке какты 721 0

Архив

Комментарийлер (5)

tynara81

2018-12-24 16:29:00

2 жыл эмес, 3 жыл болуптур да. 2015-жыл декабрдан бери дайынсыз болсо.

mirlanpiter

2018-12-24 18:42:01

Бул кишини Санкт-петербург шаарынан проспект ветеранов 166үйдүн жанынан көргөндөр бар экен,иштеп жүрөм туруктуу иш жок деп айткан экен

mirlanpiter

2018-12-24 18:43:38

Дагы учуратып калсак телефон номерин сурап ,ал кишини туугандары , үй бүлөөсү издеп жүргөнүн кабарлайбыз

Ozgonduk-jigit

2018-12-24 19:43:48

Көргөндөй болуп жатам. Башка сүрөттөрүнү дагы көрүш керек, мен көргөн кишиге окшошот экен. 2017 жылы Москвада новогрево метродо көргөндөймүн. Ошолбу ал эмесби билбейм.

bond02

2018-12-25 00:26:06

Чон эле киши экенсин тируу болсон, ишин журушпосо кел да биякта жакындарыны убайымга салбай.

Комментарий калтыруу үчүн өз ысымыңыз менен кириңиз же каттоодон өтүңүз.