Оштогу 12 кабаттуу үйдүн жер төлөсүнөн өрт чыгып, 20 жана 27 жаштагы эки кыз каза болду

Оштогу 12 кабаттуу үйдүн жер төлөсүнөн өрт чыгып, эки адам каза болду. Бул тууралуу Ош ШИИБинин басма сөз кызматы билдирди.

Маалыматка караганда, өрт тууралуу кабар 1-январь күнү саат 07:50 чамасында Ош шаардык ички иштер башкармалыгына келип түшкөн. Анда Ош шаарынын Жим көчөсүндөгү 1-үйдүн жер төлөсүндө жайгашкан мейманкананын бөлмөлөрүнүн биринен өрт чыккандыгы айтылган. Окуя болгон жерден эки кишинин денеси жансыз абалда табылган. Алардын бири 1998-жылы Ноокат районунда туулгандыгы, экинчиси 1991-жылы Алай районунда туулганы аныкталды. Болжол менен алар түтүнгѳ ууланып каза болушкан. Өрттүн эмнеден улам келип чыккандыгын жана кыздардын өлүмүнүн себептерин аныктоо үчүн тиешелүү экспертизалар дайындалды.

"Аталган Жим кѳчѳсүндѳгү 1-үйдүн жер төлөсүндөгү бул мейманкананын администраторлоруна карата өткөн жылы "сойкулук жасоо үчүн көмүскө жайды уюштуруу" беренеси менен 6 ирет кылмыш иши козголуп, жаптырылган эле. Акыркы мезгилде мейманкана катары кызмат көрсөтүп жаткан", - деп айтылат маалыматта.

Автор: Айпери Ганыжан кызы

07:33 02-01-2019

Жазылуу

РУБРИКАДАГЫ СОҢКУ КАБАРЛАР

18:20 2025-06-14 | Коом жана турмуш

Замандын талабындагы китептер: Кызыгуу, тандоо жана тренд 997 0

17:41 2025-06-14 | Коом жана турмуш

Кулубаев Оман Султандыгынын тышкы иштер министри менен сүйлөштү 276 0

16:55 2025-06-14 | Түркүн дүйнө

Израил Ирандын негизги илимпоздорун жок кылганын билдирди 1669 0

16:07 2025-06-14 | Маданият, шоу-бизнес

Эл аралык көргөзмөгө катышуу үчүн чыгармачылык иштерди тандоо башталды 249 0

15:36 2025-06-14 | Коом жана турмуш

Ошто турак үйдөн өрт чыгып, 63 жаштагы аял каза тапты 618 0

15:31 2025-06-14 | Бизнес-Инфо

Алдыңкы клубдар, катуу матчтар, ысык оюн талаасы – O!TV'да FIFA Дүйнөлүк Клубдук кубогу 279 0

Архив

Комментарийлер (5)

shergazy9

2019-01-01 15:52:56

Кулуева да баштаг аяк орттонуп кетсе экен

+29

bond02

2019-01-01 16:10:26

Ал жерди кобу билсе керек, подвалды.

+13

warcaw

2019-01-01 16:27:56

Жөн жер эмес эле да ал жер

+14

Muslim_KGstana.

2019-01-01 17:09:05

Мейманкана эмес эле,Сойкукана болчу ал жер

+10

Eli.91

2019-01-01 20:52:50

Неси болсода ал кыздар кандай экенин билбейбиз балким жакшы кыздар болгондур.Жайы Жаннатда болсун топурагы торко болсун.Ата-энелерин жана бир-туугандарын сыздатып бутбос кайгыга салып кете бердиго.Уйбулосуно терен кайгы менен конул айтам сабыр кылыныздар.

+13

Комментарий калтыруу үчүн өз ысымыңыз менен кириңиз же каттоодон өтүңүз.