Трамп Түркиянын президенти Эрдоган менен экономикалык алакаларды талкуулады

АКШнын президенти Дональд Трамп менен Түркиянын өлкө башчысы Режеп Тайип Эрдоган телефон аркылуу байланышып эки жактуу экономикалык алакаларды талкуулашты. Бул тууралуу Трамп Twitter социалдык баракчасына билдиргенин чет элдик басылмалар жазып чыгышты.

Лидерлер АКШ менен Түркияны экономикалык жактан байланыштырууга чоң мүмкүнчүлүктөр бар экенин белгилешкен.

"Биз АКШ менен Түркиянын экономикалык байланыштарын кеңейтүүнү сүйлөштүк. Анткени биздин иштешүүбүзгө чоң мүмкүнчүлүктөр бар", - деди Трамп.

Мындан тышкары алар Сириядагы террористтерге каршы күрөшкө коопсуздук аймактарды түзүү идеяларын да ортого салышкан.

Автор: Наргиза Өмүрбек кызы