АКШда 3 жаштагы кыз 8 килограммга жеткен шишиктин айынан каза болгон

АКШда 3 жаштагы наристенин өлүмүнө анын ата-энеси күнөөлүү экени айтылууда. Бул тууралуу чет элдик маалымат булактары жазып чыгышты.

Маалым болгондой, 3 жаштагы кыз рак илдети менен ооруган. Бирок наристенин ата-энеси аны дарылоого аракет да кылган эмес. Убакыттын өтүшү менен кыздын оорусу өтүшүп, шишиктин салмагы 8 килограммга жетип каза болгон.

Полиция кызматкерлери алар жашаган фургонго барган учурда кыз эс-учун жоготкон абалда болгон. Эң өкүнүчтүүсү дарыгерлер анын өмүрүн сактап кала алышкан эмес. Каза болгон наристеден сырткары ал фургондо 6 бала жашаган.

Эгерде кыздын өлүмүнө ата-энесин күнөөлүү деп табылса, алар мыйзам алдында жоопко тартылып, 4 жылга эркинен ажыратылары айтылууда.

Автор: Жаңыл Ниязбекова