Депутат Төрөбай Зулпукаровдун бир тууган агасы мезгилсиз дүйнө салды

Жогорку Кеңештин депутаты Төрөбай Зулпукаровдун бир тууган агасы Нурлан Зулпукаров 47 жашында мезгилсиз дүйнө салды. Бул тууралуу SUPER.KG'ге депутаттын жакындары тастыктады.

Маалым болгондой, Нурлан Зулпукаров 22-январь күнү жүрөк оорусунан улам көз жумуп, сөөгү 23-январда өзү туулуп-өскөн Ош облусунун Ноокат районуна караштуу Кара-Таш айылында жерге берилди.

Нурлан Зулпукаров үй-бүлөдө 8 бир туугандын үчүнчүсү. Ал эми өзү 3 уул, бир кыздын атасы болгон.

SUPER.KG порталынын эмгек жамааты Төрөбай Зулпукаровдун бир тууган агасы дүйнө салгандыгына байланыштуу анын үй-бүлөсүнүн жана жакындарынын аза кайгысын тең бөлүшүп, терең кайгыруу менен көңүл айтат.