Депутат Бекешев: "Парламентте "юристтер менен макулдашалы" деген өтө жаман тенденция болуп калды. Биз кимбиз?"

Бүгүн, 24-январда Жогорку Кеңештин жыйынында "Энергиянын кайра жаралуучу булактары чөйрөсүндөгү айрым мыйзам актыларына өзгөртүүлөрдү киргизүү жөнүндө" мыйзам долбоору каралып жатат.

Мыйзам долбоору кайра жаралуучу энергетика чөйрөсүнө тикелей инвестицияларды тартууга, бул секторду мамлекеттик жөнгө салуунун натыйжалуулугун арттырууга, чакан энергетика чөйрөсүндө иштерди жүзөгө ашырууда мамлекеттик органдардын ыйгарым укуктарын, энергетика субъекттеринин укуктарын жана милдеттерин аныктоого, тактоого багытталган.

Депутат Дастан Бекешев 2019-жылдын 1-январынан тарта күчүнө кирет деп жазылганын айтып, 1-июлда күчүнө кирет деп оңдоо киргизүүнү сунуштады.

Анда депутат Кожобек Рыспаев бул мыйзам долбоору 3-окууда каралып жаткандыктан оңдоо киргизүү боюнча юристтер менен кеңешели деген оюн айтты.

Бекешев: "Бизде юристтер менен кеңешели деген өтө жаман тенденция болуп калды. Биз кимбиз? Анда юристтерди бул жакка отургузалы", - деди.

Рыспаев: "Дастан Далабаевич, бизди окутпаңызчы. Эмне мени окутуп жатасыз? Юристтер менен кеңешебиз да, өзүм оңдой бермек белем", - дейт.

Депутат Экмат Байпакбаев юристтер бул боюнча оңдоо киргизсе боло турганын айтты.

Автор: Жылдыз Джускембаева

15:37 24-01-2019

Жазылуу

РУБРИКАДАГЫ СОҢКУ КАБАРЛАР

18:01 2025-06-26 | Түркүн дүйнө

Кытайда өлүмгө алып келген 2 жаңы вирус табылды 33 0

17:35 2025-06-26 | Кылмыштар, кырсыктар

УКМК Ноокат райондук сотунун судьясына мыйзамсыз чечими үчүн кылмыш ишин козгоду 268 0

17:24 2025-06-26 | Кылмыштар, кырсыктар

Бишкекте интимдик кызмат көрсөтүүлөрдү уюштургандардын ири тобу кармалды (фото) 331 0

17:06 2025-06-26 | Түркүн дүйнө

Кытайда катуу суу ташкыны: 80 миңден ашуун адам эвакуацияланды 251 0

16:55 2025-06-26 | Түркүн дүйнө

Ирандын жогорку лидери Тегеран Израилди жеңгенин жарыялады 613 0

16:48 2025-06-26 | Саясат

Камчыбек Ташиев дагы бир кызматты аркаламай болду 735 0

Архив

Талкуу жабык.