"Манас" аэропортундагы бомба: 3 каттам кармалууда. Ал эми учуп келген жүргүнчүлөр учактын бортунда отурушат

"Манас" аэропортунда бомба бар деген маалыматтан улам каттамдар кармалууда. Маалыматты "Манас" эл аралык аэропортунун басма сөз катчысы кабарлады.

Анын айтымында, 3 каттам учуу убактысынан кармалган.

"Саат 17:05ке пландалган Бишкек-Москва каттамындагы учак, 18:05ке пландалган Бишкек-Новосибирск каттамындагы учак жана 17:25те Оштон учуп келе турган Ош-Бишкек каттамындагы учак кармалууда. Ошондой эле Орусиянын Новосибирск шаарынан учуп келген учактагы жүргүнчүлөр борттон чыгарылбай, ошол жакта кармалууда", - деп билдирди басма сөз катчысы.

Буга чейин "Манас" аэропортунда бомба бар деген маалымат тарап, эл сыртка чыгарылган болчу. Ошондой эле аэропортко баруучу жол да тосулуп, унаалар өткөрүлбөй жатат.

Автор: Айсалкын Качкынбекова