Индияда жасалма аракка ууланып 104 адам каза болду

Индиянын Уттар-Прадеш жана Уттаракханд штаттарында жасалма спирттик ичимдиктин айынан каза болгондордун саны 104кө жетти. Бул тууралуу чет элдик басылмалар жазууда.

Анда жазылгандай, сапатсыз, жасалма аракты даярдап сатканга шектүү делинип полиция тарабынан 215 адам кармалды. Мындан тышкары Уттар-Прадеш жана Уттаракханд штаттарынын жергиликтүү бийлиги аракты көмүскө жайда даярдап саткан жайларды издөөдө. Буга чейин 10 миң литрдей сапатсыз делген арак тартылып алынган.

Жогоруда аты аталган штаттын бир нече жашоочулары каза болгон адамдарды акыркы сапарга узатуу үчүн Баллупур кыштагына топтолушкан. Ал жерден сапатсыз аракты ичишип, андан кийин бир нече адам өзүн жаман сезе баштаган. Текшерүүлөр көрсөткөндөй, спирттик ичимдикте метанол бар экендиги аныкталган. Метанол адамдарды ууландырган.

Автор: Кызжибек Раимова