Январь айында жергиликтүү бюджеттерге 174 миллион сомго жакын каражат бөлүндү

Январь айында жергиликтүү бюджеттерге 173 миллион 915 миң 900 сомго жакын каражат бөлүндү. Бул тууралуу Финансы министрлигинин басма сөз кызматы кабарлады.

Маалымат боюнча, каражат “Кыргыз Республикасынын 2019-жылга республикалык бюджетинин долбоору жана 2020-2021-жылдарга болжолу жөнүндө” мыйзамына жана ченемдик укуктук актыларына ылайык бөлүндү. Анын ичинде теңдөөчү трансферттерди каржылоого 166 миллион 221 миң 200 сом, максаттуу трансферттерди каржылоого 7 миллион 694 миң 700 сом сарпталды. Максаттуу трансферттерди каржылоого бөлүнгөн акча каражаттары толугу менен жергиликтүү өз алдынча башкаруу органдарына кээ бир ыйгарым укуктарды өткөрүп берүүгө жумшалды.