Москвадагы Кыргыз диаспорасынын координациялык кеӊеши Якутск шаарындагы мекендештерге кайрылуу жасады

Москвадагы кыргыз диаспорасынын координациялык кеӊеши Якутск шаарындагы мекендештерге кайрылуу жасады.

Кайрылууда жарандарды опурталдуу окуяга, жалпы кыргыз эли күнөөлүү болбосо да, якут элинин чыркыраган чындыгын, ичиндеги ыза-муңун нааразычылыгын туура түшүнүү менен мамиле кылууга чакырат.

"Урматтуу мекендештерибиз, ачууга алдырбоого, чагымчылдыкка жол бербөөгө, эки элдин достугуна, ынтымагына, беделине доо кетирүүчү аракеттерди жасабоого, коомдук тармактарда талкуулоолорду жаратпоого аракет кылууӊуздарды өтүнөбүз. Кыргыз эли илгертеден айкөл, сабырдуу, кечиримдүү эл. Ошону менен улуубуз! Ошону менен бийикпиз. Мекенибизден алыс чет жерде үй-бүлөбүздү багып, мамлекетибизге аз да болсо салымыбызды кошуп эмгектенүүнүн үстүндөбүз. Жашап, иштеп жаткан жерибизди, жергиликтүү калктын үрп-адат, каада-салтын, көз карашын туура түшүнүү менен карап, мамлекеттик мыйзамдарын сыйлоо жана мыйзамда белгиленген ченемдерге баш ийүү менен калыс мамиле кылууга үндөйбүз. Эки элдин достугун чыӊдап, кызматташтыгын арттырууга өз салымыӊыздарды кошуп, Кыргыз деген улуу атты жогорку деӊгээлде алып жүрөрүбүзгө тереӊ ишенебиз", - деп айтылат маалыматта.

17-март күнү кечинде Якутск шаарынын 200дөй тургуну Борбор Азиядан келген мигранттарга каршы митингге чыгышкан. Буга жергиликтүү тургунду Борбор Азиядан келген 3 адам күч колдонуу менен унаага салып кетип зордуктаганы тууралуу маалымат түрткү болгон.

Якутск шаарынын тергөө кызматы зордуктоо фактысы болгонун тастыктап, шектүү катары кармалгандардын бири Кыргыз жеринен барган адам экени жана күнөөсүн моюнуна алганы кабарлаган. Ал эми дагы 2 адам кылмыш ишине тиешеси бар же жогу аныкталып жатканы айтылган.

Учурда расмий маалыматтар боюнча Орусиянын аймагында 640 миңдей Кыргыз жараны бар болсо, анын 10 миңден ашыгы Саха Республикасынын аймагында иштеп жүрүшөт.

Автор: Айсалкын Качкынбекова

23:35 22-03-2019

Жазылуу

РУБРИКАДАГЫ СОҢКУ КАБАРЛАР

18:20 2025-07-19 | Түркүн дүйнө

Түштүк Кореянын мурдагы президенти камакта калтырылды 1026 0

17:28 2025-07-19 | Коом жана турмуш

Ысык-Ата районунда масштабдуу ишембилик өткөрүлдү (фото) 547 0

16:58 2025-07-19 | Түркүн дүйнө

Германияда фейерверк жарылып, 19 адам жаракат алды 550 0

16:24 2025-07-19 | Түркүн дүйнө

Трамп Эпштейнге байланыштуу макала жазган басылманы сотко берди 1056 0

15:56 2025-07-19 | Коом жана турмуш

Орусияда ата-энесинин камкордугусуз калган 4 бала өлкөгө кайтарылды 1372 1

15:22 2025-07-19 | Коом жана турмуш

Бишкекте көп кабаттуу үйдөн өрт чыгып, 50 адам эвакуацияланды (видео) 985 0

Архив

Комментарийлер (6)

zhaku2017

2019-03-23 00:43:26

Чон сабак болду окшойт.

Chungyz

2019-03-23 02:39:35

Биздин жерде жургон чет элдиктер да текшерип туруш керек качан келдин неге келдин деп

Jelezo

2019-03-23 07:36:50

Кысып эле журсонор жакшы болмок апанар менен тең аялдарга тийишбей.

Дарыгер

2019-03-23 12:43:47

Кайсыл жерде болсок да кысып жургуло дейт экен го. Озубуздун Кыргызстанда деле кыстырат чет жерде деле кыстырат. Биздин эл башкаруучулар карапайым кыргыздарга кучу жетет жкен го. Кошуна мамлекеттер биздин жерди басып кирсе да унчуга албайбыз. Аябай окунучтуу. Алсыз, арсыз эл болдук го.

senchi

2019-03-23 14:51:56

Бири мойнуна алса, экөөсүн дагы деле күнөөлөрү бар же жок экенин билине элекпи. Бир теманы аягына чейин жазгылачы нары бери кылбай адамды. Же билбесенер жазбагыла.

barakcha

2019-03-23 22:07:34

Окунучтуу...

Комментарий калтыруу үчүн өз ысымыңыз менен кириңиз же каттоодон өтүңүз.